टिव्ही इंडस्ट्रीतील प्रसिद्ध अभिनेत्री कृतिका कामराने नुकतीच आपल्या प्रेमाची कबुली दिली आहे. ती क्रिकेट होस्ट गौरव कपूरला डेट करत आहे. दोघेही अनेक वर्षांपासून रिलेशनशिपमध्ये आहेत. रिलेशनशिपची कबुली दिल्यावर पहिल्यादांच दोघे एकत्र स्पॉट झाले आहेत. दोघांनी पापराझींसमोर छान पोज देखील दिल्या.

कृतिका कामराने ऑफ शोल्डर वेलवेट टॉप आणि निळी जीन्स परिधान केली होती. तिने मिनिमल मेकअप करून आणि मोकळे केस सोडून हा लूक पूर्ण केला होता. तर गौरव कपूरने ग्रे रंगाचे कॅज्युअल टीशर्ट परिधान केले होते. ज्यावर छान सूर्यफुलाचे चित्र होते. दोघेही एकत्र खूपच आनंदी पाहायला मिळाले. त्यांचा हा व्हिजीओ सोशल मीडियावर तुफान व्हायरल होत आहे. यावर नेटकऱ्यांकडून कमेंट्स, लाइक्सचा वर्षाव होत आहे.

कृतिका कामरा आणि गौरव कपूर मुंबईत फिल्म स्क्रीनिंगसाठी गेले होते. दोघांनी अलिकडेच आपल्या ब्रेकफास्ट डेटचे फोटो शेअर करून चाहत्यांना आपल्या नात्याची आनंदाची बातमी दिली. चाहते यांच्या लग्नाची उत्सुकतेने वाट पाहत आहेत.

गौरव कपूर किरत भट्टसोबत 2014 ला लग्नगाठ बांधली आणि 2021 ला त्यांचा घटस्फोट झाला आणि आता गौरव कपूर कृतिका कामराला डेट करत आहे. दोघेही आपल्या क्षेत्रात काम करताना दिसत आहे. कृतिका कामरा नुकतीच 'द ग्रेट शमसुद्दीन' मधून प्रेक्षकांच्या भेटीला आली आहे. कृतिका कामराने आजवर अनेक मालिका, शो, चित्रपट आणि वेब सीरिजमध्ये काम केले आहे.