Janhvi Kapoor Ramp Walk: शनिवारी लॅक्मे फॅशन वीकमध्ये बॉलिवूड अभिनेत्री जान्हवी कपूरला तिच्या वॉकसाठी खूप ट्रोल करण्यात येत आहे. नेटिझन्सना असे वाटले की ती कुठेतरी पोहोचण्याची घाई करत आहे आणि तिच्या वॉकमुळे पुन्हा एकदा कलाकारांनी खऱ्या मॉडेल्सची जागा घ्यावी का या वादाला तोंड फुटले आहे.

जान्हवी शनिवारी राहुल मिश्राच्या रॅम्प मध्ये शो- स्टॉपर म्हणून सहभागी झाली होती. तिने चमकदार काळ्या बॉडीकॉन गाऊनआणि स्टिलेटो घातला होता. अभिनेत्रीने तिच्या हावभावांनी आत्मविश्वास आणि उत्साह दाखवला, परंतु ती तिच्या चालण्याने इंटरनेट फॅशन फॉलोवर्सना प्रभावित करण्यात अपयशी ठरली.

इंस्टाग्रामवर जान्हवीच्या रॅम्प वॉकच्या व्हिडिओवर एका नेटकाऱ्याने लिहिले, "हे खऱ्या मॉडेल्सचा अपमान आहे," तर दुसऱ्याने प्रश्न केला, "तुला उशीर होतोय कुठे जाण्यासाठी...?' किती वाईट वॉक आहे हा. शरीर स्थिर असेल तर तुझ्या ड्रेसवर लोकांचा लक्ष जाईल ही साधी गोष्ट तुला माहिती नाही का?'

जान्हवीची रॅम्पवर चालण्यासाची ही पहिलीच वेळ नाही. गेल्या वेळी जेव्हा तिच्यावर टीका झाली होती तेव्हा नेटकऱ्यांना वाटले होते की ती खूप हळू चालत होती, इतकी की ती "स्लीप वॉकिंग" करत असल्यासारखी दिसत होती. गेल्या वर्षी जूनमध्ये पॅरिस हॉट कॉउचर वीकमध्ये डिझायनर राहुल मिश्रा यांच्यासाठीत तिने वॉक केला होता.

दरम्यान, जान्हवीच्या कामाबाबतीत बोलायचे झाले तर, जान्हवी सध्या सनी संस्कार की तुलसी कुमारी आणि परम सुंदरी या दोन चित्रपटांच्या शूटिंगमध्ये व्यस्त आहे. ती तिच्या बावलमधील सह-कलाकार वरुण धवनसोबत सनी संस्कार की तुलसी कुमारीमध्ये पुन्हा एकत्र येणार आहे. हा चित्रपट या वर्षी डिसेंबरमध्ये प्रदर्शित होणार आहे.