Actor Death: हॉलिवूड अभिनेता जेम्स व्हॅन डेर बीक यांचे कर्करोगाने निधन झाले. त्यांच्या आजाराची माहिती मिळताच त्यांनी कर्करोग जागरूकता निर्माण करण्यासाठी काम सुरू केले होते. गुरुवारी त्यांच्या कुटुंबियांनी इंस्टाग्राम पेजवर त्यांच्या मृत्यूची माहिती दिली. जेम्स व्हॅन डेर बीक यांचे चाहते आणि हॉलिवूड कलाकार सोशल मीडियावर अभिनेत्याला श्रद्धांजली वाहत आहेत.

कुटुंबाने पोस्ट शेअर केली

कुटुंबातील व्यक्तींनी हॉलिवूड अभिनेता जेम्स व्हॅन डेर बीक यांच्या इंस्टाग्राम पेजवर त्यांच्या मृत्यूची बातमी शेअर केली. त्यात त्यांनी लिहिले की, "आमचा प्रिय जेम्स व्हॅन डेर बीक यांचे आज सकाळी निधन झाले. त्यांनी त्यांच्या शेवटच्या काळात धैर्य आणि विश्वासाने काम केले. त्यांच्याबद्दल सांगण्यासारखे बरेच काही आहे. सध्या तरी, आम्हाला आमचे प्रिय पती, वडील, मुलगा, भाऊ आणि मित्राच्या निधनाने दुःख झाले आहे. या दुःखद काळात कुटुंबाला त्याचा वेळ द्या अशी आम्ही विनंती करतो."

मित्र आणि चाहते

हॉलिवूडमधील अनेक सेलिब्रिटी आणि चाहते सोशल मीडियावर जेम्स व्हॅन डेर बीक यांना श्रद्धांजली वाहत आहेत.जेम्सने त्यांच्या शेवटच्या काळातही कर्करोग जागरूकता निर्माण करण्यासाठी काम केले आणि अनेकांचे जीव वाचवण्यात महत्त्वपूर्ण योगदान दिले.

जेम्सने केलेले काम

जेम्स व्हॅन डेर बीक हिट अमेरिकन ड्रामा 'डॉसन क्रीक' मध्ये डॉसन लीरीची भूमिका साकारून प्रसिद्धी मिळवली. जेम्सच्या सर्वात लोकप्रिय चित्रपटांमध्ये 'वर्सिटी ब्लूज' (१९९८), 'टेक्सास रेंजर्स' (२००१), 'द रुल्स ऑफ अट्रॅक्शन' (२००२), 'फॉर्मोसा बेट्रेड' (२००९), 'लेबर डे' (२०१३) आणि 'बॅड हेअर' (२०२०) यांचा समावेश आहे.