सोशल मीडियावर रोज काही न काही ट्रेंड सुरु असतो. सध्या सोशल मीडियावर मराठमोळी अभिनेत्री गिरिजा ओकचे फोटो खूप व्हायरल होत आहे. गिरिजाला सध्या नॅशनल क्रश (Girija Oak National Crush) म्हणून ओळखले जात आहे. तिचा निळ्या रंगाच्या साडीतील फोटो व्हायरल होत आहेत. यावर सोशल मीडियावर जबरदस्त कमेंट्स येताना दिसत आहेत. दरम्यान, या सर्व व्हायरल ट्रेंडमध्ये गिरिजाच्या इमेजलादेखील धक्का लागत असल्याचे दिसत आहे. दरम्यान, या सर्व व्हायरल ट्रेंडवर गिरिजा ओकने आपली पहिली प्रतिक्रिया दिली आहे.

गिरिजा ओकने शेअर केला व्हिडिओ (Girija Oak Share Video On National Crush Trend)

गिरिजा ओकने सोशल मीडियावर व्हिडिओ शेअर केला आहे. त्यामध्ये ती चाहत्यांचे आभार मानताना दिसत आहे. परंतु या व्हायरल ट्रेंडमध्ये तिला एक गोष्ट खटकल्याचेही तिने सांगितले आहे. गिरिजाने सांगितले की, अचानक एवढं प्रेम मिळतंय, अनेकांचे फोन मेसेज येतायत. अनेकजण माझे मीम्सदेखील पाठवतायत. हे सर्व खूप जास्त क्रिएटिव्ह आहे, त्यामुळे खूप भारी वाटतंय.

गिरिजाला खटकली ही गोष्ट

गिरिजाला जरी सोशल मिडियावर खूप प्रेम मिळत असले तरी तिला एक गोष्ट खटकली आहे. गिरिजाने सांगितले की, या व्हायरल फोटोंमध्ये काही फोटो एडिट केलेले आहेत. हे असं होणारच हे मला माहित आहे. काही फोटो एआयच्या माध्यमातून अश्लील बनवले गेले आहेत. अनेकांचे असे अश्लील फोटो व्हायरल होत असतात. मात्र, तुमच्या पोस्टवर क्लिक करावं म्हणून हे केलं जातंय का, याला काही नियम नाहीयेत. परंतु मला एका गोष्टीची भीती वाटतेय की, माझा मुलगा सध्या १३ वर्षांचा आहे. त्याने पुढे भविष्यात हे फोटो पाहिले तर, त्याला माहित असणारे हे खरं नाहीये. हा फोटो एडीट केलाय. मात्र, तरीही हा फोटो व्हायरल होऊ नये असं मला वाटतंय. हे फोटो एडीट करणारे किंवा अपलोड करणारे जरी तुम्ही नसाल तर लाइक्स आणि शेअरच्या माध्यमातून इतरांपर्यंत पोहचवत असाल तर एकदा विचार करा, असं गिरिजाने म्हटलंय.