बॉलिवूड अभिनेते रणवीर सिंह आणि अक्षय खन्नासाठी 2025 खूप खास ठरले. 'धुरंधर' रणवीर सिंहच्या कारकिर्दीतील नंबर 1 चित्रपट ठरला. तर अक्षय खन्नाने 2025मध्ये दोन सुपरहिट चित्रपट केले. पहिला 'छावा' आणि दुसरा 'धुरंधर' दोन्ही चित्रपटांमध्ये त्याने खलनायकाची भूमिका साकारली. 'धुरंधर' ने 12 दिवसांत बॉक्स ऑफिसवर 400 कोटींचा गल्ला जमावला आहे.

'धुरंधर' बॉक्स ऑफिस कलेक्शन दिवस 12

Sacnilk च्या रिपोर्टनुसार, 'धुरंधर' चित्रपटाने 12 व्या दिवशी म्हणजे दुसऱ्या बुधवारी तब्बल 30.00 कोटी रुपयांची कमाई केली आहे. आतापर्यंत सिनेमाने जवळपास 411.25 कोटींच्या आसपास व्यवसाय केला. अक्षय खन्नाच्या चित्रपटाने जगभरात 623.5 कोटी कमावले आहेत. आता 'धुरंधर' चित्रपटाने 500 कोटींच्या दिशेने वाटचाल सुरू केली आहे.

• पहिला दिवस - 28 कोटी रुपये

• दुसरा दिवस - 32 कोटी रुपये

• तिसरा दिवस - 43 कोटी रुपये

• चौथा दिवस - 23.25 कोटी रुपये

• पाचवा दिवस - 27 कोटी रुपये

• सहावा दिवस - 27 कोटी रुपये

• सातवा दिवस -27 कोटी रुपये

• आठवा दिवस - 32.5 कोटी रुपये

• नववा दिवस - 53 कोटी रुपये

• दहावा दिवस -58 कोटी रुपये

• अकरावा दिवस - 30.5 कोटी रुपये

• बारावा दिवस - 30.00 कोटी रुपये

• एकूण - 411.25 कोटी रुपये

'धुरंधर' चित्रपट 5 डिसेंबर 2025 ला थिएटरमध्ये रिलीज झाला. कंधार अपहरण आणि २६/११ च्या मुंबई दहशतवादी हल्ल्यांसह अनेक सत्य घटनांपासून चित्रपट प्रेरित आहे. धुरंधर' चित्रपट आदित्य धर याचा आहे. 'धुरंधर' हा ॲक्शन चित्रपट आहे.'धुरंधर' चित्रपटात रणवीर सिंहसोबत संजय दत्त, अर्जुन रामपाल, सारा अर्जुन, अक्षय खन्ना, आर माधवन, राकेश बेदी हे तगडे कलाकार झळकले आहेत.

मीडिया रिपोर्टनुसार, 'धुरंधर' चित्रपटाचे बजेट 250 कोटींच्या अधिक आहे. त्यामुळे चित्रपट अशीच कमाई करत राहिला तर लवकरच आपले बजेट वसूल करेल. 'धुरंधर' चा भाग दोन देखील येणार आहे.'धुरंधर' चित्रपट थिएटर गाजल्यावर नेटफ्लिक्स या ओटीटी प्लेटफॉर्म पाहता येणार आहे. मात्र अद्याप कोणतीही अधिकृत रिलीज डेट समोर आली नाही.