आदित्य धर दिग्दर्शित 'धुरंधर: द रिव्हेंज' चा सर्वत्र बोलबाला पाहायला मिळत आहे. 'धुरंधर 2' हा स्पाय थ्रिलर चित्रपट 19 मार्च 2026 ला प्रेक्षकांच्या भेटीला आला आहे. या चित्रपटाने एका आठवड्यात बक्कळ कमाई केली आहे. 'धुरंधर 2' समोर मोठे मोठे चित्रपट फ्लॉप ठरले आहेत. आता चित्रपटाने दुसऱ्या शुक्रवारी किती कोटींची कमाई केली जाणून घेऊयात.

'धुरंधर 2' बॉक्स ऑफिस कलेक्शन दिवस 9

Sacnilk च्या रिपोर्टनुसार, 'धुरंधर 2' ने रिलीजच्या दुसऱ्या शुक्रवारी भारतात ४१.५५ कोटी रुपयांची नेट (net) कमाई केली. या आकडेवारीसह, आदित्य धर दिग्दर्शित या स्पाय थ्रिलर चित्रपटाची देशांतर्गत (domestic) बाजारपेठेतील नेट कमाई ७१५.७२ कोटी रुपये, तर एकूण (gross) कमाई ८५४.९९ कोटी रुपयांवर पोहोचली आहे. याव्यतिरिक्त, परदेशातील (overseas) प्रदर्शनातून २७४ कोटी रुपयांची एकूण कमाई झाली, ज्यामुळे 'धुरंधर: द रिव्हेंज' ची जगभरातील एकूण कमाई १,१२८.९९ कोटी रुपयांवर पोहोचली आहे.

'धुरंधर: द रिव्हेंज' ची ९ व्या दिवशी विविध भाषांमधील कमाई

'धुरंधर: द रिव्हेंज' चित्रपट ५ वेगवेगळ्या भाषांमध्ये प्रदर्शित झाला आहे. चित्रपटाने ९ व्या दिवशी हिंदी भाषेत ३७.५० कोटी रुपयांची कमाई केली आहे. याव्यतिरिक्त, कन्नड भाषेत ०.२५ कोटी रुपय, मल्याळम भाषेत ०.१० कोटी रुपये, तमिळ भाषेत ८५ कोटी रुपये आणि तेलुगु भाषेत २.८५ कोटी रुपये कमावले. या चित्रपटात रणवीर सिंग, राकेश बेदी, अर्जुन रामपाल आणि संजय दत्त यांची प्रमुख भूमिकांमध्ये झळकले आहेत.

'धुरंधर 2' मध्ये रणवीर सिंहच्या प्रसिद्धीत मोठी वाढ झाली आहे. रहमान डकैतच्या मृत्यूनंतर पुढे काय घडते, याचा उलगडा 'धुरंधर 2'मध्ये होतो. 'धुरंधर 2' चित्रपटाची कथा भारताचा गुप्तहेर असलेल्या आणि पूर्वी 'जसकीरत सिंह रंगी' म्हणून ओळखल्या जाणाऱ्या हमझा अली माझारीच्या प्रवासाची आहे. चित्रपटाचा पहिला भाग 'धुरंधर' 5 डिसेंबर 2025 रिलीज झाला. 'धुरंधर'मध्ये अक्षय खन्नाने आपल्या हटके स्टाइलने सर्वांचे मन जिंकले.