अजय देवगणचा बहुप्रतिक्षित चित्रपट 'दे दे प्यार दे 2' (De De Pyaar De 2) काल (14 नोव्हेंबर) ला रिलीज झाला आहे. या चित्रपटाने पहिल्याच दिवशी बॉक्स ऑफिसवर बक्कळ कमाई केली आहे. 'दे दे प्यार दे 2' चित्रपट 2019 साली रिलीज झालेल्या 'दे दे प्यार दे' चित्रपटाचा सीक्वल आहे. हा रोमँटिक-कॉमेडी चित्रपट आहे.

लंडनमध्ये राहणारा 52 वर्षीय आशिष 28 वर्षांच्या आयेशाच्या प्रेमात पडतो आणि तिच्या कुटुंबाला भेटायला जातो. हा चित्रपटातील पात्र प्रेक्षकांना खूप हसवतात. आशिष आयेशाच्या कुटुंबाचे मन जिंकण्याचा प्रयत्न करतो, तसेच स्वतःच्या कुटुंबालाही आनंदी ठेवतो.

'दे दे प्यार दे 2' बॉक्स ऑफिस कलेक्शन

Sacnilk च्या रिपोर्टनुसारनुसार, अजय देवगण आणि रकुल प्रीत सिंहच्या 'दे दे प्यार दे 2' चित्रपटाने पहिल्या दिवशी 8.50 कोटी रुपयांची कमाई केली आहे. चित्रपटाने बंपर ओपनिंग केली आहे. वीकेंडला चित्रपट किती कोटी कमावतो पाहणे महत्त्वाचे ठरणार आहे.

'दे दे प्यार दे 2' स्टार कास्ट

'दे दे प्यार दे 2' हा चित्रपट अंशुल शर्मा यांनी दिग्दर्शित केला आहे. या चित्रपटात मुख्य भूमिकेत अजय देवगण आणि रकुल प्रीत सिंह झळकली आहे. चित्रपटात अजय देवगण आशिषच्या भूमिकेत, रकुल प्रीत सिंह आयेशाच्या भूमिकेत दिसत आहे. तसेच चित्रपटात आर माधवन, गौतमी कपूर, जावेद जाफरी, मीजान जाफरी, इशिता दत्ता आणि जानकी बोडीवाला हे कलाकारही पाहायला मिळत आहेत.

'दे दे प्यार दे 2' रिव्ह्यू

मीडिया रिपोर्टनुसार, 'दे दे प्यार दे 2' चित्रपटाला प्रेक्षकांकडून उत्तम प्रतिसाद मिळत आहे. चित्रपटातील अजय देवगणचा अभिनय प्रेक्षकांना खूप आवडला आहे. तसेच अजय आणि रकुलची केमिस्ट्री खूपच भन्नाट आहे. तसेच चित्रपट प्रेक्षकांना खळखळवून हसवत आहे. चित्रपटाची कथा प्रेक्षकांना आवडलेली पाहायला मिळत आहे.