'अशोक मा.मा.' (Ashok Mama) मालिकेत घरावर संकटाचे सावट घोंघावत आहे. अनिशच्या चुकीमुळे मामांना पोलीस अटक करायला घरात येतात. घरातील सगळ्यांच्या आयुष्यात गोंधळ माजवणाऱ्या अनिशच्या चुकीमुळे अखेर मामांवर संकट कोसळले आहे. अनिश हॉस्पिटलमध्ये पैसे न भरल्याचे तुषारला कळताच तो थेट घरात पोहोचतो. तुषार अनिशविरुद्ध पोलिसांत तक्रार नोंदवतो. अनिशला गुंतवणुकीतून काही पैसे मिळाल्यामुळे तो आणखी अहंकारी होतो. मामांचा त्याच्यावर संशय वाढतो आणि त्यांच्यात मोठा वाद होतो.

'अशोक मा.मा.' मालिकेत अनिशला फसवणुकीच्या प्रकरणात अटक होण्याची वेळ येते, पण पुन्हा एकदा अशोक मामा पुढे येतात. परिस्थिती हाताबाहेर जात असल्याचे पाहून अशोक मा.मा. सर्व आरोप स्वतःवर घेतात. या घटनेने घरात मोठी खळबळ माजते आणि पोलीस मामांना अटक करतात. तर दुसरीकडे अनिश या सगळ्यामुळे अधिकच गोंधळतो.

'अशोक मा.मा.' मालिकेत वर्षा ताई वेणूची एक जुनी खंत व्यक्त करते. अशोक मामा- त्यांच्या बहिणीमध्ये झालेला वाद मिटावा म्हणून जाताना एक पत्र, काही पैसे ठेवून जाते. त्या पत्रात ती लिहिते की, वेणूकडून काही वर्षांपूर्वी उसने घेतलेले पैसे परत करते. या सर्व प्रसंगांनंतर भैरवी त्यांना आधार देण्याचा प्रयत्न करते. पण अनिश आत्मविश्वास गमावून बसतो आणि देव-देव करण्यात गुंतून जातो ज्यामुळे त्याचे आणि भैरवीचे नाते आणखी ताणतणावाचे होते.

'अशोक मा.मा.' मालिकेत अनिशच्या फसवणुकीचा पर्दाफाश होणार का? भैरवीच्या बिझनेसवर त्याचा काही परिणाम होणार? अनिशने घातलेला गुंता कसा सुटणार? हे मालिकेत पाहणे मनोरंजक ठरणार आहे. 'अशोक मा.मा.' मालिका कलर्स मराठीवर रात्री 8.30 वाजता पाहायला मिळते.