Kalyan Rain : कल्याणला पावसाचा तडाखा, पोलीस ठाण्यात घुसलं पाणी | VIDEO

संघर्ष गांगुर्डे, कल्याण | साम टीव्ही

कल्याण शहर आणि परिसराला आज सकाळपासून मुसळधार पावसानं झोडपून काढलं आहे. सकाळपासून पावसाची रिपरिप सुरू होती. दुपारनंतर पावसाचा जोर हळूहळू वाढला. अर्धा ते एक तासातच कल्याणमधील काही रस्ते पाण्याखाली गेले. सखल भागांत पाणी साचू लागलं आहे. अगदी कल्याण लोहमार्ग पोलीस ठाण्यात देखील पाणी शिरलं. पोलिसांना दैनंदिन कामकाज करताना अडचणी आल्या. लोहमार्ग पोलिसांनी पंपाच्या मदतीने पाणी उपसण्याचे काम सुरू केले. मात्र पावसाचा जोर कायम असल्याने पोलीस तालुक्यातील स्वागत कक्ष, आरोपींचे लॉकअप आदी ठिकाणी देखील पाणी साचलं होतं. पोलिसांना या साचलेल्या पाण्यात उभं राहून कामकाज करावं लागत आहे.