आपल्या आवाजाने जगाला मंत्रमुग्ध करणारी बॉलिवूडची सुरेल गायिका श्रेया घोषाल (Shreya Ghoshal) कायम आपल्या कामामुळे चर्चेत असते. आजवर तिने अनेक सुपरहिट गाणी दिली आहेत. 2012 साली रिलीज झालेल्या 'अग्निपथ' (Agneepath) चित्रपटातील 'चिकणी चमेली' (chikni chameli) हे गाणे श्रेया घोषालने गायले होते. जे आजही सुपरहिट आहे. 'चिकनी चमेली' गाण्यावर कतरिना कैफने भन्नाट डान्स केला होता. मात्र नुकतेच श्रेया घोषालने या गाण्यासंबंधित मोठे विधान केले आहे, ज्यामुळे गायिका चर्चेत आली आहे.

श्रेया घोषालने एका मुलाखतीत सांगितले की, 'चिकणी चमेली' सारखी गाणी भविष्यात रेकॉर्ड न करण्याचा ठाम निर्णय तिने घेतला आहे. श्रेयाने स्पष्ट केले आहे की, जरी तिने 'चिकणी चमेली' हे गाणे गायले असले आणि अजूनही ते संगीत कार्यक्रमांमध्ये सादर केले जाते, तरी भविष्यात अशी गाणी रेकॉर्ड न करण्याचा ठाम निर्णय तिने घेतला आहे. या गाण्यानंतर श्रेया घोषाला अनेक टीकांना आणि ट्रोलिंगला सामोरे जावे लागले.

श्रेया घोषाल नेमकं काय म्हणाली?

श्रेयाने राज शमानीला पॉडकास्टमध्ये सांगितले की, "'चिकनी चमेली'च्या जबरदस्त यशानंतर तिला अनेक नवीन गाणी मिळाली. परंतु त्यापैकी बहुतेक गाण्यांचे बोल तिला खूप अस्वस्थ करणारे होते. त्यामुळे तिने अशी गाणी गाणे टाळले..." 'चिकनी चमेली' गाणे गायल्यावर श्रेया घोषाला ट्रोल करण्यात आले होते. तेव्हा तिची वादग्रस्त विधाने चर्चेत होती. यावर बोलताना श्रेया घोषाल म्हणाली की, "मी वादग्रस्त बोलले नव्हते...मी इतकच म्हणाले की, मी लहान मुलांसमोर हे गाणं गाऊ शकत नाही. मला नाही योग्य वाटत. 'चिकनी चमेली' या गाण्यात फार अश्लील वगैरे असे काही नव्हतं."

श्रेया घोषाल पुढे म्हणाली की, 'चिकनी चमेली' रेकॉर्ड केले तेव्हा ती प्रत्येक शब्दामागील खोल अर्थ समजून घेण्याइतकी प्रौढ नव्हती." श्रेयाचा वय आणि अनुभवानुसार ती तिच्या संगीताबद्दल अधिक काळजी घेऊ लागली आहे. तिला कळलं की, एकदा गाणे हिट झाले की, तिला ते सर्वत्र गायले पाहिजे अगदी मुलांसमोरही ज्यामुळे कधीकधी विचित्र परिस्थिती निर्माण होऊ शकते.

शेवटी श्रेया घोषाल म्हणाली की, "मी ते गाणे गायले आणि मला ते आवडले... स्टेजवर गाणे सादर करण्यास मला कोणतीही लाज वाटत नाही कारण ते माझे काम आहे. पण हो, मला आता अशी गाणी रेकॉर्ड करायची नाहीत. हे एक असे गाणे आहे जे, नेहमीच माझ्यासोबत राहील, ज्यावर आज लहान मुलेही नाचतात. कधीकधी मी स्टेजवर गाताना माझे डोळे बंद करते, पण ते माझे गाणे आहे म्हणून मी ते नाकारू शकत नाही..."