श्वेता जोशी- साम टीव्ही

'ॲनिमल' सिनेमाच्या यशानंतर प्रेक्षकांची लाडकी भाभी NO. 2 म्हणजे तृप्ती डिमरीचं नशीब चांगलेच चमकलेय. तृप्ती पुन्हा चर्चेत आहे, तिचा आगामी सिनेमा 'बॅड न्यूज' मुळे. मात्र येणाऱ्या काळात हा एकच नव्हे तर तृप्तीचे तब्बल चार सिनेमे प्रेक्षकांच्या भेटीला येणार आहेत. कोणते आहेत हे बिगबजेट प्रोजेक्ट्स पाहूयात..

 येत्या19 जुलैला 'बॅड न्यूज' सिनेमा रिलीज होतोय.ज्यामध्ये प्रेग्नंट तृप्ति डिमरी, अभिनेता विकी कौशल आणि एमी वर्कसोबत रोमान्स करताना दिसणार आहे. ट्रेलरवरून सिनेमाची स्टोरी खूपच मजेदार असून यातून प्रेक्षकांना मनोरंजनाचा डबल धमाका मिळणार आहे असचं दिसतयं.

11 ऑक्टोबर तृप्ती डिमरीचा 'विकी विद्या का वो वाला व्हिडिओ' हा सिनेमा रिलीज होणार आहे. सिनेमाचं नाव जरी कन्फुजिंग असलं तरी हा कौंटुबिक सिनेमा असल्याचं मेकर्सनी स्पष्ट केलयं. या सिनेमात तृप्ति आणि राजकुमार रावची तगडी केमिस्ट्री पाहायला मिळणार आहे. सध्या या सिनेमाचं शुटिंग सुरु आहे. 90 च्या दशकावर आधारित हा सिनेमा आहे.

200 कोटींची कमाई करणाऱ्या 'भुलभुलय्या 2' सिनेमाच्या पुढच्या सिझनमध्ये असणाऱया मिस्ट्री गर्लच्या चेहऱ्यावरचा पडदा अखेर उठलाय. कियारा अडवाणीची जागा तृप्ति डिमरी ने घेतली आहे. मात्र अनेक प्रेक्षकांनी यावर आपली नाराजी व्यक्त केली होती. आता तृप्ति आणि कार्तिक आर्यनची केमिस्ट्री प्रेक्षकांना आवडते का हेच पाहायच आहे. या वर्षाच्या अखेरीस हा सिनेमा रिलीज होईल अशी चर्चा आहे.

करण जौहरच्या फिल्ममध्येही तृप्तिची वर्णी लागली आहे. करण जोहरच्या 'धडक 2' मध्ये चाहत्यांना सिद्धार्थ चतुर्वेदी आणि तृप्ती डिमरीची फ्रेश जोडी पडद्यावर पाहायला मिळेल. हा चित्रपट 22 नोव्हेंबरला थिएटरमध्ये दाखल होणार आहे. नीलेश आणि विदिशाच्या प्रेमकहाणीची ओळख चाहत्यांना होणार आहे. या दोन्ही स्टार्सचा फर्स्ट लूकही समोर आला आहे.

थोडक्यात अनेक सुपरहिट सिनेमांच्या सिक्वल मध्ये तृप्ति डिमरी दिसेल. ज्यात तिने अनेक दिग्गज हिरोईन्सला रिप्लेसही केलयं. याचाच अर्थ नॅशनल क्रश असणारी तृप्ति डिमरी भाभी नंबर 2 वरून आता बॉलिवूडची हिरोईन नंबर 1 बनत असल्याचंच दिसून येतयं.