बॉलिवूड अभिनेत्री आणि खासदार कंगना रणौत त्यांच्या अभिनयामुळे आणि वादग्रस्त वक्तव्यामुळे नेहमीचं चर्चेत असतात. २०२४ यावर्षाची सुरुवात कंगना यांच्यासाठी एकदम खास राहिली. त्यात कंगना यांनी दिग्दर्शित केलेला दुसरा चित्रपट लवकरच प्रेक्षकांच्या भेटीला येणार आहे. २०२४ च्या सुरुवातीला कंगना यांने त्यांच्या इमर्जन्सी या चित्रपटाची घोषणा केली होती. चित्रपटाच्या घोषणेनंतर चाहत्यांच्या मनामध्ये चित्रपटाबद्दलची उत्सुकता वाढलीय. परंतु इमर्जन्सी चित्रपट प्रदर्शित होण्याचा मुहूर्त अजून सापडत नाहीये. त्यामुळे चित्रपट पाहण्यासाठी चाहत्यांना अजून वाट पाहावी लागणार आहे.

कंगना रणौत यांनी मणिकर्णिका या चित्रपटाच्या माध्यमातून दिग्दर्शन क्षेत्रामध्ये पाऊल ठेवलं होतं. 'इमर्जन्सी' हा चित्रपट कंगनाच्या आयुष्यातील सर्वात खास चित्रपट असल्याची माहिती त्यांनी अनेक मुलाखातीदरम्यान दिली. 'इमर्जन्सी' चित्रपटाचा ट्रेलर रिलीज झाल्यानंतर प्रेक्षकांचा चांगला प्रतिसाद मिळत आहे.

'इमर्जन्सी' चित्रपटामुळे कंगना रणौत पुन्हा एकदा चर्चेत आल्या आहेत. 'इमर्जन्सी' चित्रपटाबाबत पंजाबमध्ये खळबळ उडाली आहे. काही दिवसांपूर्वीच 'इमर्जन्सी' या चित्रपटाचा ट्रेलर प्रदर्शित झाला होता. पंजाबमधील . शिरोमणी अकाली दल आणि शिरोमणी गुरुद्वारा व्यवस्थापन समितीकडून या चित्रपटाला विरोध करण्यात आलाय. चित्रपटामध्ये शिखांचे चुकीचे चित्रण केल्याचा आरोप करण्यात आला आहे. केंद्र सरकार आणि सेन्सॉर बोर्डाने या चित्रावर बंदी घालण्याची मागणी केली आहे. याशिवाय कंगना राणौतवर धार्मिक भावना दुखावल्याचा आरोपही करण्यात आला आहे.

'इमर्जन्सी' चित्रपटामध्ये मिलिंद सोमण मुख्य भूमिका साकारताना दिसणार आहे. चित्रपटामध्ये मिलिंद सोमन सॅम माणेकशॉ यांची भूमिका साकारताना दिसणार आहेत. त्यासोबतच कंगना रणौत यांनी दिवंगत पंतप्रधान इंदिरा गांधी यांची भूमिका साकारताना दिसणार आहेत त्यासोबतच बॉलिवूड अभिनेते अनुपम खेर आणि श्रेयस तळपडे यांचा अभिनय सुद्धा चित्रपटामध्ये पाहायला मिळणार आहे.

Edited By: Nirmiti Rasal