बॉलिवूड अभिनेता विवेक ओबेरॉयने (Vivek Oberoi) अनेक हिट चित्रपट केले आहेत. त्याला 'साथिया' या चित्रपटातून खरी लोकप्रियता मिळवली. विवेक ओबेरॉयचे शूटआउट ॲट लोखंडवाला, साथिया, मस्ती हे चित्रपट खूप गाजले आहेत.

सध्या विवेक ओबेरॉयचे सर्वत्र कौतुक होताना पाहायला मिळत आहे. विवेकने धनत्रयोदशीच्या शुभ मुहूर्तावर नवीन घरात गृहप्रवेश केला आहे. त्यात अजून एक विशेष गोष्ट म्हणजे काल (२९ ऑक्टोबर) विवेक ओबेरॉयच्या लग्नाचा वाढदिवस होता. लग्नाच्या वाढदिवसानिमित्त विवेकने आपल्या बायकोला ही खास भेटवस्तू दिली आहे. त्यांच्या लग्नाल तब्बल 4 वर्ष पूर्ण झाली आहेत.

नवीन घर घेतल्याची बातमी विवेक ओबेरॉयने आपल्या सोशल मीडियावर पोस्ट करून दिली आहे. त्यांनी नवीन घरात बायकोसोबत पूजेला बसल्याचा फोटो शेअर केला आहे. या पोस्टला त्यांनी एक हटके कॅप्शन दिले आहे. त्यांनी लिहिलं की, "14 वर्षांपूर्वी, आज धनत्रयोदशीच्या शुभ दिवशी आम्ही आमच्या नवीन घरात जात आहोत. देवाची कृपा आणि वडिलांचे आशीर्वाद पाठी आहेत. तसेच फॅन्सीचा पाठिंबाही आहे. माझ्यासाठी तू माझे 'घर' आहेस आणि तूच माझे 'हृदय' आहे . लग्नाच्या वाढदिवसाच्या शुभेच्छा!" त्याच्या या पोस्टवर कमेंट्सचा पाऊस पडत आहे. अनेक सेलिब्रिटींनी आणि चाहत्यांनी विवेक ओबेरॉयला नवीन घरासाठी आणि लग्नाच्या वाढदिवसानिमित्त शुभेच्छा दिल्या आहेत.

नवीन घराच्या पूजेसाठी विवेक ओबेरॉयने पांढऱ्या रंगाचा प्रिंटेड कुर्ता परिधान केला आहे तर पत्नी प्रियांकाने गुलाबी रंगाची साडी नेसली आहे. फोटोंमध्ये दोघही रोमँटिक अंदाजात पाहायला मिळत आहेत.