मराठी टीव्ही अभिनेता शशांक केतकर ह्याला 'होणार सुन मी ह्या घरची' या मालिकेतून विशेष प्रसिद्धी मिळालेली आहे. नाटक, मालिका आणि चित्रपट या तिनही माध्यमातून प्रेक्षकांचे निखळ मनोरंजन करणारा शशांक सध्या एका वेगळ्याच कारणामुळे चर्चेत आला आहे.

शशांकने दोन दिवसांपूर्वी इन्स्टाग्रामवर एक व्हिडीओ शेअर करत फिल्मसिटीच्या बाहेरील कचऱ्याची अवस्था दाखवली होती. साचलेल्या कचऱ्यामुळे त्याने महानगरपालिकेकडे तक्रार दाखल केली होती. ही तक्रार दाखल केल्यानंतर एका रात्रीतच कारवाई करण्यात आली आहे. मुंबई फिल्मसिटी बाहेरील कचऱ्याचा ढीग असलेली जागा स्वच्छ केली. याबाबत शशांकने इन्स्टा स्टोरी शेअर करत मुंबई महानगरपालिकेचे आभार मानले आहे.

अभिनेता शशांक केतकर अनेकदा सोशल मीडियावर सामाजिक परिस्थितीवर भाष्य करत असतो. शशांकने इन्स्टा स्टोरीवर स्वच्छ केलेल्या जागेचा फोटो शेअर केला आहे. त्याने कॅप्शन लिहिले की, “मुंबई महानगरपालिकेने तातडीनं कारवाई केली यासाठी मनापासून आभारी आहे. आता पुन्हा तिथे कचरा जमणार नाही यासाठी काहीतरी ठोस पावलं उचला आणि फक्त तो परिसर नाही तर पूर्ण मुंबई स्वच्छ ठेवूया. मुंबई महापालिके इतकीच नागरिकांचीही जबाबदारी आहे.” त्यानंतर अभिनेत्याने एक व्हिडीओही शेअर केलेला आहे.

अभिनेता शशांक केतकर कायमच इन्स्टाग्रामवर चर्चेत असतो. तो अनेकदा सोशल मीडियावर सामाजिक परिस्थितीवर भाष्य करत असतो. शशांकने इन्स्टा स्टोरीवर स्वच्छ केलेल्या जागेचा फोटो शेअर केला आहे. त्याने कॅप्शन लिहिले की, “मुंबई महानगरपालिकेने तातडीनं कारवाई केली यासाठी मनापासून आभारी आहे. आता पुन्हा तिथे कचरा जमणार नाही यासाठी काहीतरी ठोस पावलं उचला आणि फक्त तो परिसर नाही तर पूर्ण मुंबई स्वच्छ ठेवूया. मुंबई महापालिके इतकीच नागरिकांचीही जबाबदारी आहे.” त्यानंतर अभिनेत्याने एक व्हिडीओही शेअर केलेला आहे.

व्हिडीओमध्ये शशांक म्हणाला, "मला काल मुंबईच्या फिल्मसिटीच्या गेट जवळ बराच कचरा दिसला. तर त्याचा मी व्हिडीओ काढून लगेचच सोशल मीडियावर शेअर केला. माझ्या त्या व्हिडीओला नागरिकांनी दमदार प्रतिसाद दिला आहे. सध्या माझी ती पोस्ट तुफान व्हायरल होत आहे. त्यामुळे माझी तक्रार थेट महानगरपालिकेपर्यंत पोहोचली ही. महानगरपालिकेने एका रात्रीतच त्यावर कारवाई केली. कारवाई केल्यानंतर त्यांनी तात्काळ फोटो त्यांच्या सोशल मीडिया हँडलवरही शेअर केलेला आहे. त्यामुळे जेव्हा आपण आवाज उठवतो तेव्हा त्याच्यावर लगेचच कारवाई केली जाते हे पाहून खूप वाटतंय."

व्हिडीओमध्ये पुढे शशांक म्हणाला, "महाराष्ट्रात, देशात कुठेही तुमच्या भागात जर असं काही घडतं असेल तुम्ही तुमचा आवाज उठवा तुम्ही तो तुमच्या महानगरपालिकेपर्यंत पोहोचवा. ते कारवाई करतात. ते सक्रिय असू शकतात. पण आता या कारवाईची खरंच गरज आहे." सध्या शशांक केतकर त्याच्या ह्या सामाजिक कार्यामुळे कमालीचा चर्चेत आला आहे.