'बिग बॉस मराठी 6' च्या घरात सातवा आठवडा सुरू झाला आहे. या आठवड्यात तन्वी कोलते घराची कॅप्टन असल्यामुळे ती नॉमिनेशन पासून सुरक्षित आहे. तर Power Key मिळाल्यामुळे प्रभू आणि अनुश्री देखील या आठवड्यात सुरक्षित आहेत. नॉमिनेशन टास्कमध्ये शेवटच्या क्षणी रुचिता टोळीच्या विरोधात जाते.

बिग बॉसच्या घरात 'नॉमिनेशनचा लगाम' हा टास्क पार पडला. यात सदस्यांच्या गळ्यात एकमेकांच्या फोटोंच्या पाट्या दिसतात. ज्या सदस्याला नॉमिनेट करायचे आहे. त्याची पाटी गळ्यातून काढून टाकावी लागते. राकेशने रोशनला नॉमिनेट केले, रुचिताने राकेशला नॉमिनेट केले, राखी सावंतने प्राजक्ताला सुरक्षित करून स्वतः नॉमिनेट झाली. शेवटी तन्वीने प्राजक्ताला नॉमिनेट केले.

बिग बॉसच्या घरातून सातव्या आठवड्यात एकूण चार सदस्य नॉमिनेट झाले आहेत. यात प्राजक्ता शुक्रे, राकेश बापट, राखी सावंत आणि रोशन भजनकर यांचा समावेश आहे. या आठवड्यात तगडी स्पर्धा पाहायला मिळणार आहे. कारण प्रेक्षकांचे आवडते कलाकार नॉमिनेट झाले आहेत. यात प्रामुख्याने दोन नावांची चर्चा पाहायला मिळत आहे. पहिले नाव म्हणजे राखी सावंत आणि दुसरे प्राजक्ता शुक्रे होय. राखी ही बिग बॉसच्या घरात पाहुणी कलाकार म्हणून आली होती. तिने दोन आठवडे घरात राडा घातला आहे. त्यामुळे ती या आठवड्यात बाहेर जाऊ शकते.

कोणाच्या गळ्यात कोणाचा फोटो?

• सागरच्या गळ्यात दिपालीचा फोटो

• रुचिताच्या गळ्यात राकेशचा फोटो

• विशालच्या गळ्यात सागरचा फोटो

• राखीच्या गळ्यात प्राजक्ताचा फोटो

• रोशनच्या गळ्यात राखीचा फोटो

• दिपालीच्या गळ्यात रुचिताचा फोटो

• प्राजक्ताच्या गळ्यात विशालचा फोटो

• राकेशच्या गळ्यात रोशनचा फोटो

येणारा भाऊचा धक्का खूपच खास असणार आहे. रितेश भाऊ कोणाची शाळा घेणार आणि कोणाचे कौतुक करणार पाहणे महत्त्वाचे ठरणार आहे. घरात आता राखी-राकेश, दिपाली-अनुश्री, प्रभू-प्राजक्ता, विशाल-रुचिता यांच्यात भांडणे पाहायला मिळत आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.