'बिग बॉस मराठी 5' चा विजेता सूरज चव्हाण (Suraj Chavan Wedding) थाटामाटात पार पडले आहे. गुलीगत किंगने मामाची मुलगी संजनासोबत लग्नगाठ बांधली आहे. त्यांचा शाही विवाह सोहळा माऊली गार्डन हॉलवर पार पडला. हे ठिकाण सासवड-जेजुरी रोड, पुरंदर तालुक्यात , पुणे जिल्ह्यात आहे. सूरजच्या लग्नात सुरुवातीपासून त्याची बहीण जान्हवी किल्लेकर खंबीरपणे त्याच्यासोबत उभी होती. 'बिग बॉस मराठी 5'च्या घरात असताना हे सुंदर नाते तयार झाले. जान्हवीने लग्नात सूरजला खूप खास गिफ्ट देखील दिले.

जान्हवी किल्लेकरने सूरज चव्हाणच्या लग्नाचे खास फोटो आणि व्हिडीओ शेअर केला आहे. या व्हिडीओत जान्हवी किल्लेकर सूरजला लग्नाचे खास गिफ्ट देताना दिसत आहे. व्हिडीओमध्ये तुम्ही पाहू शकता की, जान्हवी आनंदाने म्हणते की, फायनली लग्न झालं...त्यानंतर जान्हवी सूरज आणि संजनाची नजर काढते आणि दोघांना मिठी मारते. त्यानंतर जान्हवी सूरजला लग्नाचे स्पेशल गिफ्ट देते. ज्यात सोन्याची अंगठी असते. जान्हवी स्वतः सूरजच्या हातात सोन्याची अंगठी घालते.

जान्हवीने हा व्हिडीओ शेअर करून त्याला हटके कॅप्शन दिलं आहे. त्याने लिहिलं की, "माझ्या सर्वात खास व्यक्तीसाठी खास भेट..." जान्हवीच्या या व्हिडीओवर नेटकऱ्यांकडून कमेंट्स आणि लाइक्सचा वर्षाव करत आहेत. जान्हवी आणि सूरजचा स्पेशल बॉन्ड नेटकऱ्यांना खूप आवडला आहे. जान्हवी किल्लेकरने शेवटपर्यंत सूरजला लग्नात साथ दिली.

सूरज चव्हाणच्या लग्नात बिग बॉसचे अनेक कलाकार पाहायला मिळाले. जान्हवी किल्लेकर हळदी, मेहंदी, साखरपुडा आणि लग्न या सर्व कार्यक्रमात सूरजसोबत होती. जान्हवीचा सूरजच्या लग्नातील लूक खूपच खास होता. तिने निळ्या रंगाचा डिझायनर लेहेंगा परिधान केला होता. ती लग्नाच्या प्रत्येक समारंभात खूप खास आणि हटके दिसत होती. सोशल मीडियावर तिचे फोटो तुफान व्हायरल होत आहेत.