'बिग बॉस मराठी 5'मधून प्रेक्षकांच्या घराघरात पोहचलेला सूरज चव्हाण आता लवकरच बोहल्यावर चढणार आहे. सूरजच्या घरी लगीन घाई पाहायला मिळत आहे. नुकतेच सूरज चव्हाणचे केळवण पार पडले आहे. तसेच सूरज चव्हाणने आपल्या बायकोचा चेहरा देखील दाखवला आहे. सूरज चव्हाणची होणारी नवरी कोण असणार, हे जाणून घेण्याची चाहत्यांना उत्सुकता लागली होती. अखेर सूरजने आपल्या होणाऱ्या बायकोची ओळख करून दिली आहे.

सूरज चव्हाणचे केळवण 'कोकण हार्टेड गर्ल' अंकिता वालावलकरच्या घरी पार पडले आहे. अंकिताने याचा खास फोटो शेअर केला आहे. ज्यात सूरज आणि त्याची होणारी बायको अंकिताच्या घरी येता. अंकिता सूरज आणि त्याच्या बायकोचे औक्षण करते. त्यानंतर दोघेही छान उखाणा घेतात. अंकिताच्या घरी बनवलेल्या मेजवानीचा आस्वाद घेतात. सूरज चव्हाणच्या बायकोचं नाव संजना असे आहे. दोघे एकत्र खूपच छान दिसतात.

सूरज उखाणा घेत म्हणतो की, "बिग बॉस जिंकून झालं माझं पूर्ण स्वप्न, संजनाचं नाव घेतो... बोलो होतो ना आधी करिअर मग लग्न" त्यानंतर संजना उखाणा घेते की, "बिग बॉसचा विनर झाला माझ्या प्रेमात सायको, सूरज रावांचं नाव घेते मीच त्यांची होणारी बायको!" अंकिताने शेअर केलेल्या या व्हिडीओवर चाहत्यांकडून कमेंट्सचा वर्षाव होत आहे. चाहते सूरज चव्हाणला शुभेच्छा देताना दिसत आहेत.

अंकिता वालावलकरने व्हिडीओला "सूरजचं केळवण" असे कॅप्शन दिलं आहे. अंकिताने केळवणासाठी घर सजवलेले पाहायला मिळत आहे. केळीच्या पानांची, फुलांची सजावट पाहायला मिळत आहे. तसेच आता चाहते सूरज चव्हाणच्या लग्नाची तारीख जाणून घेण्यासाठी खूप उत्सुक असल्याचे पाहायला मिळत आहे. सूरज चव्हाण 'बिग बॉस मराठी 5' चा विजेता ठरला होता. त्यानंतर त्याचा 'झापुक झुपूक' चित्रपटही प्रेक्षकांच्या भेटीला आला.