अखेर 'कोकण हार्टेड गर्ल' (Kokan Hearted Girl) लग्नबंधनात अडकली आहे. अनेक दिवसांपासून अंकिता वालावलकरच्या (Ankita Walawalkar) घरी लगीनघाई पाहायला मिळत होती. कोकणात आपल्या गावी अंकिताने आपला लग्न समारंभ पार पाडला आहे. साखरपुडा, मेहंदी, संगीत, हळद प्रत्येक समारंभाला अंकिता आणि कुणाल (Kunal Bhagat ) खूप हटके दिसत होते. कोकणातील एका मंदिरात अंकिता वालावलकर आणि कुणाल भगतने लग्नगाठ बांधून आपल्या नवीन आयुष्याला सुरूवात केली आहे.

अंकिता आणि कुणालचा शाही विवाह सोहळा लक्ष्मीनारायण मंदिरात पार पडला. हे मंदिर सिंधुदुर्गमध्ये येते. लग्नासाठी अंकिता आणि कुणालने पारंपरिक लूक केला होता. अंकिताने लग्नात पिवळ्या रंगाची साडी नेसली होती. तर कुणालने देखील अंकिताला साजेल असा मराठमोळा पेहराव केला होता. हिरवा चुडा, मुंडावळ्या घालून अंकिताचा लूक खुलला होता. दोघेही एकत्र खूपच छान दिसत होते.

अंकिताने आपल्या नवऱ्यासाठी एक खास पोस्ट केली आहे. ज्यात तिने त्यांच्या लग्नाचे फोटो शेअर करून त्याला हटके कॅप्शन दिलं आहे. अंकिताने लिहिलं की, "वालावलकरांचो थोरलो जावई! कुणाल तुला मी बायको म्हणून मिळाली, यासाठी तुझं खूप अभिनंदन! तू खूप लकी आहेस." सध्या अंकिता आणि कुणालवर कलाकार आणि चाहत्यांकडून शुभेच्छांचा आणि प्रेमाचा वर्षाव होत आहे.

अंकिता सोशल मिडिया इन्फ्लुएन्सर आहे. मात्र तिला 'बिग बॉस मराठी 5' खूप लोकप्रियता मिळाली. अंकिता ही एक यशस्वी व्यावसायिक देखील आहे. कुणाल भगत हा प्रसिद्ध संगीतकार आहे. त्याने आजवर अनेक गाण्यांचे दिग्दर्शन केले आहे.