बिग बॉस फेम निखिल राजेशिर्के त्यांच्या वैयक्तिक आयुष्यामुळे लक्ष वेधून घेत आहे. निखिलाच्या नवीन आयुष्याची सुरूवात झाली आहे. नुकतंच काल रविवारी निखिलचा लग्नसोहळा पार पडला. सोशल मीडियावर निखिलाच्या लग्नाचे फोटो सध्या व्हायरल झाले आहेत.

सोशल मीडियाच्या माध्यमातून निखिलने अलिकडेच लग्नाची गुडन्यूज चाहत्यासोबत शेअर केली होती. सोशल मीडियावर निखिलने प्रीवेडिंगचे फोटो देखील शेअर केले होते. आता काल रविवारी निखिल लग्नबंधनात अडकला आहे. सिनेसृष्टीतील काही मोजक्याच सेलिब्रिटी अन् नातेवाईकांमध्ये निखीलचा विवाहसोहळा पार पडला. निखिल राजेशिर्केने चैत्राली मोरेसोबत लग्नगाठ बांधली आहे. निखिल आणि चैत्रालीच्या लग्नाला अनेक कलाकारांची उपस्थिती पहायला मिळाली. कलाकारांनी निखिल आणि चैत्राली दोघांनाही त्यांच्या आयुष्यातील नव्या प्रवासासाठी शुभेच्छा आणि प्रेमाचा वर्षाव केला.

कोण आहे निखिलाची पत्नी?

निखिलाने मैत्रिण चैत्रीली मोरे हिच्याबरोबर लग्नगाठ बांधली आहे. निखिल आणि चैत्राली एकमेकांना चांगले ओळखतात. निखिलच्या वडिलांच्या मित्राची मुलगी असल्याने त्यांच्या आई बाबानांही तिची ओळख होती. यांच्या नात्याची सुरूवात झाल्यानंतर एप्रिल महिन्यात या दोघांचा साखरपुडा झाला होता.त्यानंतर आता दोघेही एकमेकांच्या जीवनाचे साथी बनले आहेत.

निखिल राजेशिर्के बिग बॉसच्या घरातून प्रेक्षकांची मने जिंकली आहेत. यासह अनेक टिव्ही मालिकांमध्ये निखिलाने काम केले आहे. रंग माझा वेगळा, अरूंधती, छोटी मालकीण, माझी तुझी रेशीमगाठ यासारख्या मालिकांमधून निखिल घराघरात ओळखला जाऊ लागला. माझी तुझी रेशीमगाठ या मालिकेत निखिलाने नेहाचा पती अविनाशची भूमिका साकारली होती.