बॉलिवूडचा भाईजान सलमान खान होस्ट करत असलेला रिअ‍ॅलिटी शो 'बिग बॉस 19' आता शेवटच्या टप्प्यावर आला आहे. तीन महिने हा प्रवास प्रेक्षकांनी पाहिला आणि प्रवासाचा आनंद घेतला आहे. मात्र येत्या रविवारी 'बिग बॉस 19' चा धमाकेदार ग्रँड फिनाले पार पडणार आहे. त्यामुळे 'बिग बॉस 19' ची ट्रॉफी कोण उचलणार, विजेत्याला किती रुपयांचे बक्षीस मिळणार याची चर्चा सोशल मीडियावर पाहायला मिळत आहे. आता बिग बॉसच्या घरात टॉप 5 स्पर्धकांचा प्रवास दाखवण्यात येत आहे. जो पाहून स्पर्धक आणि चाहते भावुक झाले आहेत.

'बिग बॉस 19'च्या विजेत्याला बक्षीस काय मिळणार?

'बिग बॉस 19' च्या विजेत्याला सुंदर मोठी चमकदार 'बिग बॉस 19'ची ट्रॉफी मिळणार आहे. तसेच मीडिया रिपोर्टनुसार, 'बिग बॉस 19'च्या विजेत्याला तब्बल 50 कोटी रुपये मिळणार असल्याचे बोले जात आहे. 'बिग बॉस 18' चा विजेता करणवीर मेहरा देखील 50 लाख रुपये मिळाले होते.

'बिग बॉस 19'चे टॉप 5 स्पर्धक

1. गौरव खन्ना

2. प्रणित मोरे

3. फरहाना भट्ट

4. अमाल मलिक

5. तान्या मित्तल

सोशल मीडियावर 'बिग बॉस 19'ची माहिती देणाऱ्या पेजानुसार टॉप 3 स्पर्धकांमध्ये पहिल्या नंबरवर गौरव खन्ना आणि बाकी दोनमध्ये प्रणित मोरे आणि फरहाना भट्ट यांची नावे आहेत. आता 'बिग बॉस 19'चा विजेता नेमका कोण होणार, याचा रविवारी खुलासा होईल.

ग्रँड फिनाले कुठे अन् कधी पाहता येणार?

सलमान खानचा शो 'बिग बॉस 19' चा ग्रँड फिनाले 7 डिसेंबर रोजी रात्री 9.00 वाजता जिओ सिनेमा आणि डिस्ने+ हॉटस्टारवर पाहायला मिळणार आहे. तसेच कलर्स टीव्हीवर रात्री 10:30 वाजता पाहू शकता.