'बिग बॉस 19'चा विजेता गौरव खन्ना सध्या सोशल मीडियावर चांगला सक्रिय आहे. 'अनुपमा' मालिकेतून त्याला खूप लोकप्रियता मिळाली. गौरव खन्नाला 'बिग बॉस 19' जिंकून जवळजवळ एक महिना झाला आहे. बिग बॉसनंतर गौरव खन्नाने स्वतःचा यूट्यूब चॅनेल सुरू केले. नुकताच त्याने एक व्हिडीओ शेअर केला आहे. ज्यात 'बिग बॉस 19' संबंधित अभिनेत्याने मोठा खुलासा केला आहे.

गौरव खन्नाने शेअर केलेल्या व्हिडीओत त्याने आपल्या करिअरचा प्रवास सांगितला आहे. ज्यात 'अनुपमा' आणि 'सेलिब्रिटी मास्टरशेफ' यांच्या प्रवासाचा उल्लेख आहे. तसेच त्याच्या व्हिडीओत प्रणित मोरे देखील पाहायला मिळत आहे. व्हिडीओमध्ये गौरव खन्नाने खुलासा केला की, शोमध्ये जिंकलेली कार त्याला अद्याप मिळाली नाही. यावर गौरव आणि प्रणितमध्ये चांगले बोलणे देखील होते.

गौरव खन्ना रिलायन्स फॅमिली शोचे होस्टिंग करणार आहे. जो दरवर्षी धीरूभाई अंबानी यांच्या जयंतीनिमित्त आयोजित केला जातो. व्हिडीओत गौरवने कार्यक्रमाचे आयोजनाची एक झलक दाखवली आहे. व्हिडीओच्या शेवटी तुम्ही पाहू शकता की, गौरव प्रणितला मिठाई देतो. तेव्हा प्रणित मजेत म्हणतो की, "मिठाई नको, 'बिग बॉस'मध्ये जिंकलेली कारच भेट दे." यावर गौरव हसत म्हणतो, "ती कार अजून मलाच मिळालेली नाही..." यावरून समजते की, गौरव खन्नाला 'बिग बॉस 19'ची कार मिळाली नाही.

गौरव खन्नाला 'बिग बॉस १९'च्या ट्रॉफीसोबत 50 लाख रुपये मिळाले आहेत. तसेच एक आलिशान कार मिळणार होती. 'बिग बॉस'चा 19 वा सीझन खूप गाजला. प्रेक्षकांनी सीझनला खूप प्रेम दिले. आता लवकरच 'बिग बॉस मराठी 6' प्रेक्षकांच्या भेटीला येणार आहे. ज्याचे होस्टिंग रितेश देशमुख करणार आहे.