आज (6 सप्टेंबर) शनिवार बिग बॉसच्या (Bigg Boss 19) घरात 'वीकेंड का वार' पाहायला मिळणार आहे. सलमान खान अमाल मलिकची शाळा घेणार आहे. तर काही स्पर्धकांचे कौतुक करणार आहे. 'वीकेंड का वार' खूपच मनोरंजक होणार आहे. बिग बॉसच्या घरातून या आठवड्यात कोण बाहेर जाणार याकडे सर्वांचे लक्ष लागून आहे. दुसऱ्या आठवड्यात पाच स्पर्धक नॉमिनेट झाले आहेत.

नॉमिनेट सदस्य

• अवेज दरबार

• मृदुल तिवारी

• कुनिका सदानंद

• तान्या मित्तल

• अमाल मलिक

'वीकेंड का वार'मध्ये सलमान खान नवीन ट्विस्ट घेऊन येणार आहे. ज्यामुळे स्पर्धकांना मोठा धक्का बसणार आहे. मीडिया रिपोर्टनुसार, 'बिग बॉस 19'च्या दुसऱ्या आठवड्यातही एलिमिनेशन होणार नाही आहे. मीडिया रिपोर्टनुसार,अवेज दरबारला सर्वात कमी मते मिळाली आहेत. कोणताच सदस्य घराबाहेर जाणार नसून उलट घरात एका स्पर्धकाची एन्ट्री होणार आहे. ज्यामुळे बिग बॉसच्या घरात आनंदाचे वातावरण पाहायला मिळणार आहे. मात्र अद्याप एलिमिनेशनबाबत कोणतीही अधिकृत घोषणा करण्यात आली नाही.

वाइल्ड कार्ड एन्ट्री

'बिग बॉस 19'च्या घरात दुसऱ्याच आठवड्यात वाइल्ड कार्ड एन्ट्री होणार आहे. मीडिया रिपोर्टनुसार, 'बिग बॉस 19' च्या घरात शाहबाज बदेशाची वाइल्ड कार्ड एन्ट्री होणार आहे. शाहबाज बदेशा हा अभिनेत्री शहनाज गिलचा भाऊ आहे. आज 'वीकेंड का वार' मध्ये शाहबाज बदेशा 'बिग बॉस' च्या घरात एन्ट्री करणार असल्याचे बोले जात आहे. मात्र अद्याप 'बिग बॉस' कडून कोणतीही अधिकृत घोषणा झाली नाही आहे.