'बिग बॉस 19'च्या (Bigg Boss 19) घरात कॅप्टन्सी टास्क पार पडला आहे. यात घरात आलेल्या वाइल्ड कार्ड एन्ट्रीने म्हणजे मालती चहरने धुमाकूळ घातला आहे. गेल्या दोन आठवड्यांपासून फरहाना भट्ट बिग बॉसच्या घराची सूत्रे सांभाळली होती. पण आता नवीन कॅप्टन ठरवण्यात आला आहे. फरहाना पूर्वी कुनिका सदानंद, अमाल मलिक, अभिषेक बजाज हे कॅप्टन राहिले आहेत.

कॅप्टन्सी टास्कमध्ये स्पर्धकांच्या दोन दोन जोड्या बनवण्यात आल्या होत्या. त्यांना स्वतःचे फाटलेले फोटो पुन्हा तयार करायचा होते. मात्र यात एक ट्विस्ट होता. तो म्हणजे विरोधी स्पर्धक या कामात अडथळे निर्माण करताना दिसला. सदस्यांनी एकमेकांचे फोटो खराब केले. कॅप्टन्सी टास्कचा संचालक अभिषेक बजाज होता. कॅप्टन्सी टास्क दरम्यान नीलम-नेहल आणि मालती-फरहानामध्ये मोठी भांडणे झाली.

'बिग बॉस 19'च्या घरात या आठवड्यात कॅप्टन्सीच्या शर्यतीत नेहलने बाजी मारली आहे. नेहल घराची नवीन कॅप्टन बनली आहे. आता नेहलच्या राज्यात घरात कोणते धुमाकूळ होतात हे पाहणे महत्त्वाचे ठरणार आहे. बिग बॉसच्या घरातून या आठवड्यात सहा सदस्य नॉमिनेट झाल आहेत. ज्यात जीशान कादरी, नीलम गिरी,मृदुल तिवारी, बसीर अली, अशनूर कौर आणि प्रणित मोरेचा समावेश आहे.

तान्या मित्तल, अभिषेक बजाजनंतर मालती चहर मृदुल तिवारीसोबत भांडताना दिसते. आता 'वीकेंड का वार'मध्ये बिग बॉसच्या घरातून कोण जाणार? हे पाहण्यासाठी चाहते उत्सुक आहेत. तसेच सलमान खान कोणाची शाळा घेणार आणि कोणाचे कौतुक करणार? हे देखील पाहणे मनोरंजक ठरणार आहे.