'बिग बॉस 19' च्या (Bigg Boss 19) घरात रोज एक नवीन ड्रामा पाहायला मिळत आहे. मालती चहरची घरात वाइल्ड कार्ड एन्ट्री झाल्यापासून रोज भांडणे होताना पाहायला मिळत आहे. मालती घरातील प्रत्येक सदस्याशी भांडताना दिसत आहे. मात्र आता तिने सर्व हद्द पार केल्या आहेत. ती घरात नेहलला खूप वाईट विधान बोलते त्यामुळे मालतीला सोशल मीडियावर खूप ट्रोल केले जात आहे.

नुकताच घरात रेशन टास्क पार पडला आहे. मालती चहरने (Malti Chahar ) रेशन टास्क दरम्यान केलेल्या चुकीमुळे बिग बॉसने घरातील रेशन कापले. बिग बॉसने शेअर केलेल्या नवीन प्रोमोमध्ये सर्वजण किचन एरियात पाहिला मिळतात. कुनिका सर्वांसाठी रव्याचा हलवा बनवत असते. तेव्हा नेहल, बसीर अली आणि मालतीमध्ये मोठे भांडण होते.

नेहल ( Nehal Chudasama) बोलते की, "रव्याचा हलवा बनत आहे. या निर्णयावर कोणी प्रश्न करायचा नाही." त्यानंतर मालती हसायला लागते. तेव्हा बसीर अली आणि मालतीमध्ये वाद होतात. तेव्हा पुन्हा नेहल बोलते की, "कुठूनही येतात आणि लोकांना विचारतात की तुम्ही आयुष्यात केले काय आहे? तु काय केले आहेस आयुष्यात?" तेव्हा मालती उत्तर देत बोलते की, पुढच्या वेळी कपडे घालून माझ्याशी बोल...(नेक्स्ट टाइम कपड़े पहनकर बात करना मुझसे)" हे ऐकताच घरातील सर्व सदस्य मालतीवर धडकताना दिसतात. कुनिका आणि बसीरला मोठा धक्का बसतो.

मालती चहरच्या अश्लील विधानामुळे संपूर्ण घर अस्वस्थ झाले आहे. आता यावर बिग बॉस कोणती शिका करणार? घरात आणखी कोणता ड्रामा होणार हे पाहणे महत्त्वाचे ठरणार आहे. तसेच घडलेल्या प्रकारामुळे सलमान खान काय निर्णय देणार हे पाहणे मनोरंजक ठरणार आहे. यंदाचा 'वीकेंड का वार' चांगलाच जागणार आहे.