'बिग बॉस 19' च्या (Bigg Boss 19) घरात नुकताच 'वीकेंड का वार' पार पडला आहे. या 'वीकेंड का वार'मध्ये बिग बॉसच्या घरातून आवेज दरबारचा पत्ता कट झाला आहे. कमी मते मिळाल्यामुळे आवेजला घरातून बाहेर जावे लागले आहे. 'वीकेंड का वार' संपताच घरात पुन्हा मोठी भांडणे झालेली पाहायला मिळत आहे. नुकताच बिग बॉसने एक व्हिडीओ शेअर केला आहे. ज्यात बसीर अली आणि नेहल भांडताना दिसत आहे. नेमकं झाले काय, जाणून घेऊयात.

'बिग बॉस 19' च्या घरात रोज नवीन राडा पाहायला मिळत आहे. शो दिवसेंदिवस अधिक रंजक होत जात आहे. जेवणावरून बसीर अली (Baseer Ali) आणि नेहल (Nehal Chudasama ) यांच्यात कडाक्याचे भांडण झाले आहे. व्हिडीओमध्ये तुम्ही पाहू शकता की, कुनिका नेहलला विचारते की, "हलवा खाल्ला का?" तेव्हा नेहल "नाही" म्हणत फ्रिजमधील हलवा पाहण्यासाठी निघते. पण बाऊलमध्ये हलवा खूप कमी सापडतो. जे पाहून नेहलचा पारा चढतो. तेव्हा कुनिका बोलते की, "हे बसीर अलीचे काम आहे."

नेहल बसीरकडे हलव्याचा जाब विचारायला जाते. तेव्हा त्यांच्यात मोठे भांडण होते. नेहल बसीरवर चोरी केल्याचा आरोप लावते. यामुळे बसीर अली खूप भडकतो. त्यांच्यात शारीरिक हाणामारी होणार तेवढ्यात कुनिका तेथे येऊन त्यांच्या भांडणात हस्तक्षेप करते. भांडण थांबवण्याचा प्रयत्न करते. घरात जेवणावरून नवीन महाभारत घडते.

बिग बॉसने शेअर केलेल्या व्हिडीओत शेवटी गौरव खन्ना आणि अभिषेक बजाज मोठ्याने हसताना दिसत असतात. तर अमाल मलिक स्वयंपाकघरात या सर्वांची मजा घेताना दिसत आहे. आता बिग बॉसच्या घरात नवीन कोण कॅप्टन होणार हे पाहणे मनोरंजक ठरणार आहे. तसेच बिग बॉसच्या घरातून बाहेर जाण्यासाठी या आठवड्यात कोणते सदस्य नॉमिनेट होणार याकडे प्रेक्षकांचे लक्ष लागून आहे.