'बिग बॉस 19' मध्ये (Bigg Boss 19) रोज नवीन एक ट्विस्ट पाहायला मिळतो. शो आता रंजक वळणावर आला आहे. एकीकडे अमाल मलिक आणि तान्या मित्तलची मैत्री वाढताना दिसत आहे. तर दुसरीकडे अमाल मलिक त्यांच्या एकतर्फी प्रेमाच्या आठवणीत रमलेला दिसत आहे. अमाल मलिकला (Amaal Mallik One Side Love ) बिग बॉसच्या घरात गेल्यापासून अनेक वेळा त्यांच्या एकतर्फी प्रेमाची आठवण झाली आहे. नुकताच बिग बॉसने एक व्हिडीओ शेअर केला आहे. ज्यात अमाल मलिक एकाट स्वतःशी बोलताना दिसत आहे.

अमाल मलिक नेमकं काय म्हणाला?

"आपल्या सर्वांच्या आयुष्यात असा एक टप्पा येतो. जेव्हा आपल्याला उदास वाटते. नैराश्य येते. आपण जगावर नाराज होतो. असे वाटते कोणाशी काहीच नाते ठेवू नये आणि मग अशी कोण तरी व्यक्ती येते. जी तुमच्या मनात घर करून राहते. ही व्यक्ती माझ्या आयुष्यात आता येणार होती तर आधी का नाही आली? (ये इंसान मेरी जिंदगी में पहले क्यों नहीं आया) आधी भेटली असती तर जास्त वेळ असता. जास्त प्रेम केले असते तिच्यावर...

अशी एक व्यक्ती नक्कीच आहे माझ्या आयुष्यात जिच्यामुळे माझ्या हृदयाची धडधड वाढते. जेव्हा जेव्हा त्या व्यक्तीची आठवण येते तेव्हा तेव्हा नवीन गाणे सुचते. सध्या तर हे प्रेम एकतर्फी आहे. पण आशा आहे की, जेव्हा मी बाहेर जाईन तेव्हा हे प्रेम दोघांकडून असेल. तोपर्यंत ऐकत रहा बीबी रेडिओ क्यों आज तक तू मुझसे दूर था..."

प्रेक्षकांना, घरातील सदस्यांना सर्वांनाच अमाल मलिकच्या आयुष्यातील मिस्ट्री गर्ल कोण हे जाणून घेण्याची उत्सुकता लागली आहे. तर दुसरीकडे अमाल मलिकच्या आयुष्यात दुसरी मुलगी असल्यामुळे तान्या मित्तल नाराज, उदास असल्याच पाहायला मिळत आहे.