'बिग बॉस 19'च्या (Bigg Boss 19) घरात या 'वीकेंड का वार'मध्ये दुसरी वाइल्ड कार्ड एन्ट्री झाली आहे. मालती चहर बिग बॉसच्या घरात आली आहे. नुकताच बिग बॉसने नॉमिनेशन टास्कचा एक व्हिडीओ शेअर केला आहे. ज्यात घरातील सदस्य एकमेकांशी भांडताना, एकमेकांना सुनावताना दिसत आहेत. या आठवड्यात घराबाहेर जाण्यासाठी 6 सदस्य नॉमिनेट झाले आहेत.

नॉमिनेशन टास्क

नॉमिनेशन टास्कमध्ये 'झपाटलेले खेळाचे मैदान' (Haunted Payground) दाखवण्यात आले आहे. या टास्कमध्ये दोन टीम पाडण्यात आल्या आहेत. ज्यात दोन्ही संघांना चेटकिणींपासून स्वतःचे रक्षण करायचे आहे आणि आपल्याला सुरक्षित ठेवायचे आहे. चेटकिणींने ज्या टीममधील सदस्यांची जास्त शिकार केली असेल ती टीम घराबाहेर जाण्यासाठी नॉमिनेट केली जाणार असते. घरातील नवीन वाइल्ड कार्ड एन्ट्री स्पर्धक मालती चहर या टास्कची मॉनिटर बनली.

नॉमिनेट सदस्यांची नावे

बिग बॉसच्या घरातून या आठवड्यात सहा सदस्य नॉमिनेट झाल आहेत.

• जीशान कादरी

• नीलम गिरी

• मृदुल तिवारी

• बसीर अली

• अशनूर कौर

• प्रणित मोरे

नॉमिनेशन टास्कमध्ये अमाल मलिक आणि अशनूर कौर यांच्यात मोठे भांडण होते. तर नेहल जीशान कादरीला टार्गेट करते. तर मृदुल तिवारी तान्या मित्तलला टार्गेट करतो.मीडिया रिपोर्टनुसार, नीलम गिरी आणि जीशान कादरी हे या आठवड्यात घराबाहेर जाण्याची शक्यता जास्त आहे. कारण यांचा गेम दिसत नसून यांना मतेही कमी आहेत. त्यामुळे येणारा 'वीकेंड का वार' अधिकच मनोरंजक असणार आहे.