'बिग बॉस 19' शो संपून आता महिना झाला आहे. शो संपल्यावरही स्पर्धक एकमेकांना भेटताना, पार्टी करताना दिसत आहेत. 'बिग बॉस 19'चे विजेतेपद गौरव खन्नाने पटकवले. बिग बॉसच्या घरात अनेक नाती तयार झाली. काही मैत्रीची, काही प्रेमाची. तसेच बिग बॉसच्या घरात गाजलेली जोडी म्हणजे प्रणित मोरे आणि मालती चहर. घरात यांचा खूप खास नातं पाहायला मिळाले. प्रेक्षकांना ते खूप आवडले. मात्र शो च्या शेवटी प्रणित मोरे आणि मालती चहर यांच्यात भांडणे झाली.

'बिग बॉस 19'च्या स्पर्धकांचे दुबईमध्ये गेट-टूगेदर आहे. या निमित्त स्पर्ध पुन्हा एकदा नव्याने भेटले. गौरव खन्ना, प्रणित मोरे, अशनूर कौर, आवेज दरबार हे अनेकदा एकमेकांना भेटताना दिसले. मात्र या दुबईला जाताना विमानतळावर या स्पर्धकांची भेट झाली. तेव्हा अशनूर आणि आवेज प्रणित मोरे-मालती चहरमध्ये मैत्री करून देताना दिसले. याचा खास व्हिडीओ आवेज दरबारने सोशल मीडियावर शेअर केला आहे.

व्हिडीओमध्ये तुम्ही पाहू शकता की, आवेज आणि अशनूर प्रणितला मालतीशी बोलायला सांगत आहे. आवेज बोलतो की, "प्रणित तू तुझ्या मैत्रिणीशी बोल..." आवेज आणि अशनूर त्यांचा व्हिडीओ बनवत असतात. त्यानंतर प्रणित आणि मालती एकमेकांच्या शेजारी बसतात आणि बोलू लागतात. प्रणित मालतीला HI बोलतो. सर्वजण त्यांची मजा घेताना दिसतात.

प्रणित आणि मालती सुरुवातीला एकमेकांशी बोलताना संकोच करतात. पण नंतर मस्त हसत एकमेकांशी गप्पा मारतात. प्रणित आणि मालतीचे चाहते त्यांच्या या भेटीची उत्सुकतेने वाट पाहत होते. त्यांच्या या व्हिडीओवर नेटकऱ्यांकडून कमेंट्स आणि लाइक्सचा वर्षाव होत आहे. प्रणित आणि मालतीची मैत्री पुन्हा झाली आहे.