Sathyaraj Mother Passed Away: तेलुगू सिनेसृष्टीतून एकद दु:खद बातमी येत आहे. ‘बाहुबली’चित्रपटातून प्रकाशझोतात आलेल्या कटप्पा फेम सत्यराजवर दु:खाचा डोंगर कोसळला आहे. अभिनेत्याच्या आईचं ११ ऑगस्ट रोजी निधन झालं आहे. त्यांच्या मातोश्रीने वयाच्या ९४ व्या वर्षी अखेरचा श्वास घेतला आहे. अभिनेत्याच्या आईवर त्यांच्या मुळगावी कोईम्बतूरमध्ये अंत्यसंस्कार करण्यात येणार आहे. गेल्या काही दिवसांपासून अभिनेते सत्यराज एका चित्रपटाच्या शूटिंग निमित्त हैदराबादमध्ये व्यग्र होते. आईच्या निधनाची बातमी कळताच त्यांनी शुटिंग थांबवली.

अभिनेत्याच्या आईबद्दल सांगायचे तर, सत्यराज यांच्या आईचे नाव नाथम्बल होते. सत्यराज, त्यांच्या दोन बहिणी आणि त्यांच्या आई असा त्यांचा परिवार होता. अभिनेता सत्यराज व्यतिरिक्त कल्पना आणि रूपा अशा त्यांच्या दोन बहिणी होत्या. सत्यराज हे आईच्या खूप जवळचे होते. सत्यराज यांच्या आईला सत्यराज यांना नेहमीच चित्रपटात पहायला आवडायचे. सत्यराज यांच्या आईला सत्यराज यांची ‘बाहुबली’ही मालिका खूपच आवडली होती.

सत्यराज यांच्या मातोश्रीच्या निधनाची माहिती कळताच दाक्षिणात्य सिनेसृष्टीतील अनेक दिग्गज सेलिब्रिटींनी सोशल मीडियावर पोस्ट शेयर करत शोक व्यक्त केलाय. त्या सेलिब्रिटींमध्ये, कमल हसन, उदयनिधी स्टॅलिन यांनी सत्यराज यांच्या आईच्या निधनावर ट्वीटरच्या माध्यमातून शोक व्यक्त केला.

कमल हसन ट्वीट करत म्हणतात, “मित्र सत्यराज यांच्या आईच्या निधनाची बातमी ऐकून मला खूप दु:ख झाले आहे, त्यांच्या कुटुंबीयांप्रती माझ्या संवेदना आहे.”

सत्यराजच्या वर्कफ्रंटबद्दल बोलायचे तर, ‘विलाधी व्हिलन’ या चित्रपटातून सत्यराजने दिग्दर्शन क्षेत्राच प्रवेश केला होता. गायक म्हणून देखील सत्यराज यांची टॉलिवूडमध्ये प्रसिद्धी आहे. ‘बाहुबली’ मधल्या कटप्पाच्या भूमिकेसाठी सत्यराजला खूपच प्रसिद्धी मिळाली होती. सत्यराजने आपल्या फिल्मी करियरमध्ये आतापर्यंत तब्बल २४० चित्रपटांमध्ये काम केले आहे. दरम्यान, अभिनेत्याने आपल्या फिल्मी कारकिर्दित खलनायकाच्या भूमिकेपासून करिअरची सुरुवात केली होती.