5 सप्टेंबरला थिएटरमध्ये दोन चित्रपट रिलीज करण्यात आले. टायगर श्रॉफचा (Tiger Shroff) 'बागी 4' (Baaghi 4) आणि पल्लवी जोशीचा (Pallavi Joshi) 'द बंगाल फाइल्स' (The Bengal Files) दोन्ही चित्रपटाने वीकेंडला शनिवारी किती कोटींचा व्यवसाय केला, जाणून घेऊयात. पहिल्या दिवसाच्या तुलनेत 'बागी ४'च्या दुसऱ्या दिवशीच्या कमाईत घसरण झालेली पाहायला मिळत आहे.

'बागी 4' बॉक्स ऑफिस कलेक्शन दिवस 2

'बागी 4'ने बॉक्स ऑफिस कलेक्शनमध्ये 'द बंगाल फाइल्स'ला मागे टाकून कोट्यवधींची कमाई केली आहे. मीडिया रिपोर्टनुसार, 'बागी 4'ने पहिल्या दिवशी 12 कोटींची बंपर कमाई केली आहे. तर दुसऱ्या दिवशी शनिवारी 9 कोटी रुपये कमावले. दोन दिवसांत चित्रपटाने तब्बल 21 कोटींची कमाई केली आहे.

'द बंगाल फाइल्स' बॉक्स ऑफिस कलेक्शन दिवस 2

मीडिया रिपोर्टनुसार, 'द बंगाल फाइल्स' रिलीजच्या पहिल्या दिवशी 1.75 कोटी रुपयांची कमाई केली आहे. तर दुसऱ्या दिवशी वीकेंडला सिनेमाने 2.25 कोटी रुपये कमावले. दोन दिवसांत चित्रपटाने तब्बल 4 कोटी रुपयांचा व्यवसाय केला आहे.

'बागी 4'

'बागी 4' ॲक्शन चित्रपट आहे. चित्रपटात टायगर श्रॉफसोबत सोनम बाजवा,संजय दत्त आणि हरनाज संधू हे मुख्य भूमिकेत आहेत. 'बागी 4' ए. हर्ष दिग्दर्शित चित्रपट आहे. बागी फ्रँचायझीचा 'बागी 4' सीक्वल आहे. संजय दत्त चित्रपटात खलनायकाच्या भूमिकेत दिसत आहे. हरनाज संधू हिने 'बागी 4' मधून बॉलिवूडमध्ये पदार्पण केले आहे.मीडिया रिपोर्टनुसार, 'बागी 4' 200 कोटींच्या बजेटमध्ये बनवण्यात आला आहे.

'द बंगाल फाइल्स'

'द बंगाल फाइल्स' चित्रपटाची निर्मिती अभिनेत्री पल्लवी जोशीने केली आहे. तसेच विवेक अग्निहोत्री यांनी दिग्दर्शन केले आहे. 'द बंगाल फाइल्स' सुरुवातीपासून वादाच्या भोवऱ्यात होता. 'द बंगाल फाइल्स' चित्रपटात अभिनेते मिथुन चक्रवर्ती, अनुपम खेर, पल्लवी जोशी, दर्शन कुमार, पुनित इस्सर हे कलाकार पाहायला मिळत आहेत.चित्रपट बंगाल दंगली आणि नोआखाली हत्याकांडावर आधारित आहे.