मराठी सिनेसृष्टीतील दिग्गज अभिनेते अशोक सराफ यांची सध्या 'अशोक मा.मा.' ही मालिका प्रेक्षकांचे चांगले मनोरंजन करत आहे. 'अशोक मा.मा.' मालिकेत अनेक दिवसांपासून सुरू असलेल्या राधा आणि किश्याच्या कावेबाज युक्त्यांना अखेर मामा कंटाळले असून आता अशोक मामा या दोघांना घराबाहेरचा रस्ता दाखवणार आहेत. घरामध्ये आलेल्या दिवसापासूनच दोघांचे डावपेच सुरू आहेत. पण मामा सगळे सहन करत होते. आता मात्र ते असह्य झाल्याने मामा हा निर्णय घेणार आहेत.

' अशोक मा.मा.' मालिकेत किश्या मामा सीसीटीव्ही फूटेजबद्दल देसाई-तोरणेला विचारतात आणि राधाला सांगतात की फुटेज काढण्याचा उपाय सापडला आहे. त्याचवेळी किश्याला एक महत्त्वाची फाईल सापडणार आहे. अशोक मामा, राधा आणि किश्या यांना चंदनच्या कोकणातील घरी कामासाठी पाठवण्याचा निर्णय घेतात. किश्या फाईल घेऊन सोसायटी ऑफिसमध्ये जातो आणि मामांच्या घराचे पेपर्स दाखवण्याचा प्रयत्न करतो, पण त्यात काही सापडत नाही. त्याचा डाव फसतो. पण सगळे घडलेले परशु ऐकणार आहे.

किश्या मामांची सर्व माहिती परशु अशोक मामांना दिल्यावर मामा तातडीने भैरवीला घरी बोलावणार आहेत. मामांना सत्य कळले आहे हे राधा आणि किश्याला समजताच ते मामांची माफी मागणार आहेत. पण मामा त्यावर बोलतात की, "तुम्ही आम्हाला फसवलं आहे" असे बोलून ते दोघांचे बॅग्स घराबाहेर फेकतात. अशोक माम ठणकावून सांगतात की, "ह्या पुढे आमच्या घराजवळ फिरलात तर पोलीसात तक्रार करेन" त्यानंतर अशोक मामा रागात दरवाजा बंद करतात.

'अशोक मा.मा.' मालिका आता रंजक वळणावर आली आहे. त्यामुळे मालिकेत पुढे काय, होणार हे पाहणे महत्त्वाचे ठरणार आहे. 'अशोक मा.मा.' या मालिकेचा विशेष भाग रविवारी 22 जून रोजी दुपारी २:३० वाजता आणि रात्री ८:३० वाजता कलर्स मराठीवर पाहता येणार आहे.