बॉलिवूडचे बिग बी गेल्याकाही दिवसांपासून त्यांच्या तब्येतीमुळे चर्चेत आहे. मंगळवारी रात्री अमिताभ बच्चन यांना रुग्णालयात दाखल करण्यात आल्याच्या बातमी सोशल मीडियावर व्हायरल झाली. त्यामुळे चाहते चिंतेत पडले. चाहत्यांनी अमिताभ बच्चन लवकर बरं व्हावे यासाठी प्रार्थना केल्या. मात्र आता या संबंधित मोठे अपडेट आले आहे. टाइम्स ऑफ इंडियाच्या वृत्तानुसार, अमिताभ बच्चन रुग्णालयात असल्याचे वृत्त असत्य आहे. शनिवारी अभिनेत्याने नानावटी रुग्णालयाला भेट दिली असली तरी, ती केवळ एका नियमित तपासणीसाठी होती.

नेमकं प्रकरण काय?

अमिताभ बच्चन यांना शनिवार १६ मे पासून रुग्णालयात दाखल करण्यात आले होते आणि पोटाच्या त्रासामुळे ते गेल्या तीन दिवसांपासून ए-विंग व्हीआयपी एन्क्लोजरमध्ये राहत होते. 'कुली' चित्रपटाच्या अपघातापासून बच्चन यांना पोटाच्या त्रासाचा सामना करावा लागत आहे आणि या वृत्तात अभिषेक बच्चनने रुग्णालयात त्यांची भेट घेतल्याचाही उल्लेख होता. असे वृत्त समोर आले होते. टाइम्स ऑफ इंडियाला सूत्रांनी दिलेल्या माहितीनुसार, "अमिताभ बच्चन यांनी शनिवारी नानावटी रुग्णालयाला भेट दिली होती, तथापि, ती एक नियमित तपासणी होती, ज्यासाठी ते दर महिन्याला जातात आणि त्यानंतर ते घरी परतले. अमिताभ बच्चन पूर्णपणे बरे आहेत आणि शनिवारी त्याच्या नियमित हॉस्पिटलला भेट दिल्यानंतर ते घरी परतले आणि दुसऱ्या दिवशी जलसा ते जनकपर्यंत त्याची कार चालवतानाही दिसले. ते सध्या घरीच आहेत..."

कुटुंबाच्या जवळच्या आणखी एका सूत्राने सांगितले की, "ही बातमी पूर्णपणे खोटी आहे..." तसेच व्हायरल होणाऱ्या वृत्तानुसार, अभिनेत्याला गेल्या तीन दिवसांपासून रुग्णालयात दाखल करण्यात आले आहे आणि हे खरे असू शकत नाही, कारण रविवारी ते त्यांच्या घराबाहेर चाहत्यांना भेटण्याचा आपला नित्यक्रम पूर्ण करताना दिसले होते. बच्चन यांनी त्यांच्या ब्लॉगवर फोटोही टाकले होते. एकंदर अमिताभ बच्चन यांची प्रकृती हेल्दी असून ते आपल्या घरी आहेत.

आगामी चित्रपट

अमिताभ बच्चन सध्या 'कल्की २८९८ एडी' च्या सीक्वलमध्ये झळकणार आहे. ते सध्या चित्रपटाचे शूटिंग करत आहेत. यानंतर ते रिभू दासगुप्ता दिग्दर्शित 'सेक्शन ८४' या कोर्टरूम ड्रामामध्ये दिसणार आहेत. त्यांनी नुकताच 'कौन बनेगा करोडपती'चा १७ वा सीझन पूर्ण केला आहे.