Sholay Deleted Scenes Google
मनोरंजन बातम्या

Sholay Deleted Scenes : 49 वर्षांनंतर अमिताभ-धर्मेंद्र यांच्या शोले चित्रपटाचा 'हा' डिलीट सीन झाला व्हायरल, पाहा Photo

Sholay : 1975 मध्ये रिलीज झालेला 'शोले' हा चित्रपट आजही लोकांच्या पसंतीस उतरला आहे. सध्या या चित्रपटातील एक डिलीट सीनचा फोटो सोशल मीडियावर मोठ्या प्रमाणात व्हायरल होत आहे.

ब्युरो रिपोर्ट, साम टीव्ही, मुंबई

Sholay Deleted Scenes : बॉलीवूडचा क्लासिक चित्रपट 'शोले' 1975 साली प्रदर्शित झाला होता. या चित्रपटात अमिताभ बच्चन, धर्मेंद्र आणि हेमा मालिनी यांसारख्या दिग्गज कलाकारांचा समावेश होता. या चित्रपटाची कथा सलीम-जावेद यांनी लिहिली होती. 'शोले'च्या शूटिंगदरम्यानचे अनेक किस्से खूप प्रसिद्ध आहेत, या चित्रपटाच्या एका सीनमध्ये धर्मेंद्रने खरी बंदूक वापरल्याचेही सांगण्यात आले आहे. मात्र, 49 वर्षांपूर्वी बनलेल्या या चित्रपटातीळ अनेक किस्से अजूनही प्रेक्षकांना माहिती नाही. नुकताच या चित्रपटातील एका सीनचा फोटो व्हायरल होत आहे, जो 'शोले'मधून डिलीट करण्यात आला होता.

अमजद खानने साकारलेल्या या चित्रपटातील गब्बरच्या व्यक्तिरेखेबद्दल अनेक कथा होत्या. मात्र, चित्रपटात हे पात्र इतके धोकादायक दाखवण्यात आले आहे की, त्यातील अनेक दृश्येही कापण्यात आली आहेत. अलीकडेच, चित्रपटाच्या डिलीट सीनचे फोटो सोशल मीडियावर व्हायरल होत आहेत, ज्यामध्ये गब्बर त्याच्याच एका डाकूला मारताना दिसत आहे. मात्र, चित्रपटाच्या प्रदर्शनाच्या वेळी सेन्सॉर बोर्डाने हे दृश्य पाहिल्यानंतर ते हटवण्यास सांगितले. सेन्सॉर बोर्डाने सांगितले की, या सीनमध्ये खूप हिंसाचार दाखवण्यात आला आहे.

क्रूरपणे केस ओढताना दिसत आहे

चित्रपटाचा हटवलेला सीन ओल्ड इज गोल्ड नावाच्या इंस्टाग्राम अकाउंटवर शेअर करण्यात आला आहे. या दृश्यात सचिन पिळगावकर आणि अमजद खान आहेत, फोटोमध्ये अमजद खान सचिनचे केस क्रूरपणे ओढताना दिसत आहेत. जवळच डाकूचा टोळी उभी आहे. हा फोटो पाहिल्यानंतर लोकांनी त्यावर कमेंट केली आणि सर्व डिलीट सीन्ससह चित्रपट रिलीज करण्याबाबत चर्चा केली. हा चित्रपट 2024 मध्ये पुन्हा थिएटरमध्ये प्रदर्शित झाला.

डॅनी दिग्दर्शकाची पहिली पसंती होती

रमेश सिप्पी दिग्दर्शित या चित्रपटात गब्बरच्या भूमिकेसाठी याआधी डॅनीचे नाव पुढे आले होते, मात्र तारखेच्या अडचणींमुळे तो ही भूमिका करू शकला नाही. मात्र,ही व्यक्तिरेखा इतकी रंजक होती की, अमिताभ बच्चन यांनीही ते साकारण्याचा खूप प्रयत्न केला. बरं, डॅनीचं नाव हटवताच कुणीतरी अमजद खानचं नाव चित्रपटाच्या दिग्दर्शकाला सांगितलं, त्यानंतर तो या भूमिकेसाठी पक्का झाला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

नाचणाऱ्या कलेक्टरविरोधात वातावरण तापलं, शेतकरी-पोलीस आमने-सामने, VIDEO

Maharashtra Live News Update: - सोलापूर जिल्ह्यात माढा येथे सर्वाधिक पुरस्थिती

Asia Cup 2025 फायनलपूर्वी पाकिस्तानचा मोठा निर्णय, संपूर्ण स्पर्धेवर टाकला बहिष्कार

Maharashtra Politics: एकनाथ शिंदेंचा उद्धव ठाकरेंना मोठा धक्का, बड्या नेत्यांसह ८०० कार्यकर्त्यांचा शिवसेनेत प्रवेश

Pune Crime News : दिवसा खासगी बँकेत नोकरी, रात्री करायचा भयंकर खेळ; पुण्यातील तरुणासह ३९ जण अडकले

SCROLL FOR NEXT