हिंदी सिनेविश्वातून एक धक्कादायक माहिती समोर आली आहे. हिंदी चित्रपटातील लोकप्रिय अभिनेत्री करिष्मा शर्माचा अपघात झाला आहे. करिष्मा शर्माने स्वतः सोशल मीडियावर पोस्ट शेअर करत ही माहिती दिली आहे. करिष्मा शर्माने धावत्या ट्रेनमधून उडी मारली. यात तिला गंभीर दुखापत झाली आहे. त्यामुळे तिला रुग्णालयात अॅडमिट करण्यात आले आहे. तिने सोशल मीडियावर रुग्णालयातील फोटो शेअर करत ही माहिती दिली आहे.

मुंबई लोकलमधून पडली

करिष्मा शर्मा ही मुंबई लोकलमधून प्रवास करत होती. मुंबई लोकलमधून प्रवास करताना ती ट्रेनमध्ये चढली. परंतु त्यानंतर तिच्या लक्षात आले की, आपल्यासोबतची इतर मंडळी ट्रेनमध्ये चढलीच नाही. त्यामुळे तिने धावत्या ट्रेनमधून उडी मारली. यामुळे ती खाली पडली. तिच्या डोक्याला गंभीर मारल लागल्याची माहिती तिने दिली आहे. यानंतर तिला रुग्णालयात दाखल करण्यात आले आहे.

करिष्मा शर्माने इन्स्टाग्राम स्टोरीवर ही माहिती दिली आहे. तिने फोटो शेअर करत लिहलंय की, 'काल शूटिंगसाठी चर्चगेला ट्रेनने जायचे ठरवले. मी साडी नेसली होती. मी ट्रेनमध्ये चढली त्यानंतर ट्रेन सुरु झाली. माझ्या लक्षात आलं की, माझ्या मित्रांनी ट्रेन पकडलीच नाही. त्यामुळे मी उडी मारली आणि पाठीवर पडले. माझ्या डोक्यालादेखील मार लागला आहे.'

करिष्माने सांगितलं की, माझ्या पाठीला गंभीर दुखापत झाली आहे. शरीरावर जखमा झाल्या आहेत. डॉक्टरांनी MRI करायला सांगितले आहे. डोक्याला गंभीर दुखापत झाल्याने मला निरिक्षणाखाली ठेवण्यात आले आहे. मला खूप वेदना होत आहेत. मला लवकर बरे वाटावे यासाठी प्रार्थना करा, असंही तिने सांगितलं आहे.