अनेक बॉलिवूड सेलिब्रिटी डीपफेक व्हिडीओचा बळी ठरत आहेत. अशातच बॉलिवूड अभिनेत्री आलिया भट्ट हिचा सुद्धा एक व्हिडीओ व्हायरल होताना दिसत आहे. सध्या सोशल मीडियावर GRWM नावाचा ट्रेंड सुरू आहे. या ट्रेंडमधील आलियाचा एक व्हिडीओ इन्स्टाग्रामवर तुफान व्हायरल होत आहे. GRWM म्हणजे (Gate Ready With Me) होय. तिचा हा ट्रेंडवाला व्हिडीओ सध्या इन्स्टाग्रामवर तुफान व्हायरल होत आहे.

हिंदुस्थान टाईम्सच्या रिपोर्टनुसार, आलिया भट्टचा हा डीपफेक व्हिडीओ सध्या इन्स्टाग्रामवर तुफान व्हायरल होत आहे. Unfixface नावाच्या इन्स्टा आयडी वरून आलिया भट्टचा डीपफेक व्हिडीओ शेअर करण्यात आला आहे. इन्स्टाग्रामवर या व्हिडीओवर ७ लाख ४३ हजारांहून अधिक व्ह्यूज मिळालेले आहेत. ही व्हिडीओ मुलींसाठींच्या फॅशन रिलेटेड आहे. ब्लॅक हार्ट आणि पुढे कुर्ता असं कॅप्शन देत हा व्हिडीओ शेअर केलेला आहे.

या व्हिडीओवर नेटकऱ्यांकडून कमेंट्स आल्या आहेत. "AI जितकं चांगलं आहे, तितकंच धोकादायकही आहे.", "ही आलिया भट्ट नाही", "हे फार धोकादायक आहे." असं म्हणत अनेक युजर्सने AIच्या डीपफेक व्हिडीओवर विरोध दर्शवला जात आहे. यापूर्वी आलिया भट्टचा एक डीपफेक व्हिडीओ व्हायरल झाला होता. अश्लील हावभाव करत असलेला व्हिडीओ पूर्वी व्हायरल झाला होता. डीपफेक व्हिडीओचा बळी आलिया भट्टसह रणबीर सिंह, रश्मिका मंदान्ना, नोरा फतेही, अक्षय कुमार, सोनू सूद, कतरिना कैफ, काजोल देवगण आणि आमिर खानसह अनेक सेलिब्रिटी डीपफेक व्हिडीओची शिकार झाले आहेत.