आंतरराष्ट्रीय स्तरावर मानाचा समजला जाणाऱ्या Cannes Film Festival ला १४ मे पासून सुरूवात झालेली आहे. या पुरस्कार सोहळ्याला बॉलिवूडमधील अनेक अभिनेत्रींनी उपस्थिती लावलेली आहे. बुधवारी बॉलिवूड अभिनेत्री ऐश्वर्या राय बच्चन कान्स फिल्म फेस्टिव्हल साठी रवाना झाली. यावेळी तिच्या हाताच्या बँडेजने सर्वांचेच लक्ष वेधले. दरवर्षी वेगवेगळ्या खास लूकमुळे ऐश्वर्या चर्चेत असते. तिच्या लूकची कायमच नेटकऱ्यांमध्ये चर्चा असते. कान्स २०२४ मधीलही तिच्या लूकने सर्वांचेच लक्ष वेधलेय. अशातच सोशल मीडियावर ऐश्वर्याचा लूक समोर आला आहे.

ऐश्वर्यासोबत कान्स फेस्टिव्हलसाठी तिची लेक आराध्याही उपस्थित होती. ऐश्वर्याचा फ्रॅक्चर झालेल्या हातानं सर्वांचेच लक्ष वेधले आहे. तिच्या फ्रॅक्चर हाताची सध्या नेटकऱ्यांमध्ये जोरदार चर्चा होत आहे. अभिनेत्रीने कान्स फिल्म फेस्टिव्हलसाठी ब्लॅक अँड व्हाईट कलरचा ड्रेस वेअर केलेला आहे. त्यावर गोल्डन कलरची ज्वेलरी आणि इअरिंग्स अशा लूकमध्ये दिसली. यावेळी ऐश्वर्याचा हात फ्रॅक्चर झालेला दिसला. अशातच आराध्या ही आईची काळजी घेत होती. त्यामुळे तिचं सध्या कौतुक होत आहे.

यावेळी आराध्याने अगदीच साधा सिंपल लूक कॅरी केलेला होता. तिच्या सिंपलनेसने चाहत्यांचे हृदय जिंकले आहे. त्यासोबतच ती आईची काळजी घेत असल्यामुळे चाहते तिचे तुफान कौतुक करीत आहेत. यापूर्वी कान्स फेस्टिव्हलला नमिता थापर, कियारा अडवाणी, शोभिता धुलिपाला, उर्वशी रौतेला यांनी सहभाग घेतला आहे. या फेस्टिव्हलची सुरूवात १४ मे पासून झाली असून २५ मे रोजी या फेस्टिव्हलची सांगता होणार आहे.