Piyush Ranade Interview

मराठी मनोरंजनसृष्टीत एकापोठपाठ एक सेलिब्रिटी प्रेमाची कबुली देत विवाहबंधनात अडकत आहेत. नुकतंच 'का रे दुरावा' फेम अभिनेत्री सुरुची अडारकरने (Suruchi Adarkar) अभिनेता पियुष रानडेसोबत (Piyush Ranade) ६ डिसेंबर रोजी गुपचूप लग्न केले आहे. त्यांच्या लग्नाचे फोटोज सध्या सोशल मीडियावर जोरदार व्हायरल होत आहेत.

३ वर्ष एकमेकांना डेट केल्यानंतर त्यांनी लग्न केले आहे. नुकतंच अभिनेता पियुष रानडेने सुरुचीसोबत लग्न केल्यानंतर एका इंग्रजी वेबसाईटला मुलाखत दिली आहे.

तिसऱ्यांदा लग्नबंधनात अडकलेला पियुष रानडे सध्या सोशल मीडियावर जोरदार चर्चेत आहे. नुकतंच त्याने ‘टाईम्स ऑफ इंडिया’ला मुलाखत दिली आहे. “तुमच्या चांगल्या किंवा वाईट वेळी आपल्यासोबत असलेले कुटुंबीय आणि मित्रपरिवार आपल्याला सर्वांसोबत संवाद साधण्याची अनुमती देतात. आणि तुम्ही सांगू शकता की, ते तुमच्यासाठी आनंदी आहेत.” असं तो मुलाखतीत म्हणाला आहे. (Marathi Film)

सुरुची अडारकर आणि पियुष रानडे यांनी लग्न केल्याचे कळताच सर्वांनाच आश्चर्याचा धक्का बसला होता. पियुष आणि सुरुची यांनी 'अंजली' मालिकेमध्ये एकत्र होते. त्या मालिकेपासून हे दोघेही कोणालाही न कळता डेट करत होते. लग्नाचे फोटो शेअर करताना, 'आनंदाचा दिवस' असे कॅप्शन दिले आहे. तर सुरुचीने पीएसआयलव्ह हा हॅशटॅग वापरत फोटो शेअर केला.

पियुष रानडेचं हे तिसरं लग्न असून त्याने शाल्मली तोळेसोबत पहिलं लग्न केलं होतं. पण काहीच वर्षातच त्यांचा घटस्फोट झाला. दुसरं लग्न अभिनेत्री मयुरी वाघसोबत पियुषने लग्नगाठ बांधली होती. पण, हे लग्नही फार काळ टिकलं नाही. (Entertainment News)