सध्या 'झी मराठी' वाहिनीवर अनेक बदल होताना दिसत आहे. काही नवीन मालिका प्रेक्षकांच्या भेटीला येत आहे. तर काही जुन्या मालिका प्रेक्षकांचा निरोप घेत आहे. नुकताच 'चला हवा येऊ द्या' या कॉमेडी शोचा नवीन सीझन प्रेक्षकांच्या भेटीला आला आहे. अशात आता 'झी मराठी'ने शेअर केलेल्या एका प्रोमोनं लक्ष वेधून घेतले आहे.

'झी मराठी'वरचा लोकप्रिय कुकिंग शो 'आम्ही सारे खवय्ये' (Aamhi Saare Khavayye) पुन्हा सुरू होणार असल्याची चर्चा सोशल मीडियावर रंगली आहे. 'सावळ्याची जणू सावली' या मालिकेच्या प्रोमोमध्ये 'आम्ही सारे खवय्ये'ची रंगीत तालीम घेताना 'आम्ही सारे खवय्ये'चा होस्ट संकर्षण कऱ्हाडे पाहायला मिळत आहे. मालिकेतील चारही सूना आपल्या नवऱ्यासोबत कुकिंग करताना दिसत आहेत. या व्हिडीओमुळे 'आम्ही सारे खवय्ये'चा नवीन सीझन सुरू होणार असल्याची चर्चा रंगली आहे.

व्हिडीओवर नेटकऱ्यांकडून कमेंट्सचा वर्षाव होत आहे. तसेच कमेंट्समध्ये नेटकरी 'आम्ही सारे खवय्ये' पुन्हा येत असल्याची चर्चा करताना दिसत आहेत. मात्र अद्याप 'आम्ही सारे खवय्ये' बद्दल कोणतीही अधिकृत माहिती समोर आली नाही आहे. 'सावळ्याची जणू सावली' मालिकेतील संकर्षण कऱ्हाडेची (Sankarshan Karhade) सरप्राइज एन्ट्री अजून कोणते धमाके घेऊन येणार हे पाहणे महत्त्वाचे ठरणार आहे.

'सावळ्याची जणू सावली' मालिका 7 वाजता प्रेक्षकांच्या भेटीला येते. मालिकेचे आगामी भाग खूपच रंजक होणार आहे. 'आम्ही सारे खवय्ये'चे होस्टिंग अभिनेते प्रशांत दामले आणि संकर्षण कऱ्हाडे यांनी केले आहे. गृहिणींच्या मनावर या शोने राज्य केले आहे. त्यामुळे शो पुन्हा येतोय या गुडन्यूजमुळे महिला वर्गाला खूप आनंद झाल्याचे दिसून येत आहे.