Savlyachi Janu Savali: 'सावळ्याची जणू सावली' मालिकेत नवा ट्विस्ट; सारंग-अस्मीच्या लग्नात सावलीची घोड्यावरून एन्ट्री

Savlyachi Janu Savali : झी मराठीवरील लोकप्रिय मालिका ‘सावळ्याची जणू सावली’ सध्या एका मोठ्या नाट्यमय वळणावर आली आहे. सारंग आणि अस्मीच्या लग्नाच्या दिवशी, सावलीने घोड्यावरून थेट विवाहमंडपात प्रवेश करत सर्वांचे लक्ष वेधले. या धक्कादायक एन्ट्रीने प्रेक्षकांमध्ये उत्सुकता निर्माण केली आहे.

सावलीने विवाहमंडपात पोहोचताच, तिने आकार या व्यक्तीला थेट सामोरे जात, "आकार, तूच सारंगसरांना मारण्याचा प्रयत्न केलास," असे म्हणत त्याच्या कानाखाली मारले. त्यानंतर, आकारने कबूल केले की, हे सर्व त्याने अस्मीच्या सांगण्यावरून केले होते. या खुलाशामुळे अस्मीच्या खऱ्या चेहऱ्याचा उलगडा झाला आणि उपस्थित सर्वजण स्तब्ध झाले.

या प्रसंगात, काही गुंड सावलीवर हल्ला करण्यासाठी पुढे आले, पण तिचा मानलेला भाऊ आणि पोलीस अधिकारी देवा वेळेवर पोहोचून तिला वाचवतो. देवाने गुंडांशी झटापट करत, "आला रे आला, आता देवा आला," अशी डायलॉग बाजी करतो. त्यानंतर सावलीची लग्न मंडपात घोड्यावरुन एन्ट्री होताना दाखवली आहे. लग्न मंडपात येऊन ती बोलते अस्मी आता तुझा खेळ खल्लास...!

सावलीच्या या धाडसी कृतीने, अस्मीच्या खोटेपणाचा पर्दाफाश झाला असून, सारंगच्या आयुष्यातील खरे प्रेम कोणाचे आहे, यावर प्रकाश पडला आहे. या नाट्यमय वळणानंतर, मालिकेतील पुढील घडामोडी काय असतील, याची उत्सुकता प्रेक्षकांमध्ये वाढली आहे. सावली आणि सारंगच्या नात्याचा पुढील प्रवास कसा असेल, हे पाहणे रंजक ठरणार आहे.