'आई कुठे काय करते' या लोकप्रिय मालिकेतून घराघरात पोहचलेली अभिनेत्री अपूर्वा गोरे लग्न बंधनात अडकली आहे. तिने लग्न सोहळ्याचे खूप सुंदर फोटो शेअर केले आहेत. अपूर्वा गोरेने 'शाळा' फेम प्रसिद्ध अभिनेता अंशुमन जोशीसोबत आपल्या नवीन आयुष्याला सुरुवात केली आहे. 2012 ला रिलीज झालेला 'शाळा' चित्रपटामुळे अंशुमन जोशीला खूप लोकप्रियता मिळाली. तर अपूर्वा गोरेने 'आई कुठे काय करते' मालिकेत ईशाची भूमिका साकारली होती. ज्यामुळे तिला खूप प्रसिद्धी मिळाली.

अपूर्वा-अंशुमनच्या पोस्ट

अपूर्वा आणि अंशुमनने लग्नाचे खास फोटो सोशल मीडियावर शेअर केले आहे. ज्यात दोघे खूपच आनंदी पाहायला मिळत आहे. या फोटोंना त्यांनी खास कॅप्शन देखील दिलं आहे. त्यांनी लिहिलं की, "श्री व सौ" त्यांच्या या पोस्टवर चाहते, कलाकार मंडळी कमेंट्सचा, प्रेमाचा वर्षाव करताना दिसत आहे. त्यांना नवीन आयुष्यासाठी शुभेच्छा देताना दिसत आहेत. दोघांनी लग्नासाठी पारंपरिक लूक केला होता.

अपूर्वा-अंशुमनचा लूक

अपूर्वाने हिरव्या रंगाची, जांभळा काठ असलेली नऊवारी साडी नेसली आहे. मराठमोळा साज श्रृंगार करून अंशुमनची नवरी नटली. हातात हिरव्या बांगड्या, गळ्यात सुंदर दागिने, नाकात नथ, कपाळावर टिकली आणि मुंडावळ्या यांमध्ये अपूर्वा खूपच सुंदर दिसत आहे. तर अंशुमनने पांढऱ्या रंगाचा कुर्ता आणि पिवळ्या रंगाचे धोतर परिधान केले आहे.

अपूर्वा-अंशुमनच्या लग्नाचे फोटो

पहिल्या फोटोमध्ये दोघे एकमेकांचा हात हातात धरून लग्नाचा आनंद व्यक्त करताना दिसत आहे. दुसऱ्या फोटोमध्ये अंशुमन अपूर्वाच्या गळ्यात मंगळसूत्र घालताना दिसत आहे. तर तिसऱ्या फोटोमध्ये अंशुमन अपूर्वाच्या भांगेत कुंकू भरत असल्याचे दिसत आहे.