Cannes Film Festival 2025: 78वा कान्स फिल्म फेस्टिव्हल 13 मे 2025 पासून फ्रान्सच्या कान्स शहरात सुरू झाला असून, यंदा भारतीय चित्रपटसृष्टीचे अनेक दिग्गज आणि नवोदित कलाकार या प्रतिष्ठित महोत्सवात सहभागी झाले आहेत. या वर्षीच्या फेस्टिव्हलमध्ये भारतीय कलाकारांची उपस्थिती विशेष लक्षवेधी ठरली आहे.

बॉलिवूड अभिनेत्री आलिया भट्ट हिने यंदा कान्समध्ये पदार्पण करणार असल्याचे जाहीर केले होते. ती ल'ऑरियल पॅरिसची ब्रँड अँबिसिटर म्हणून रेड कार्पेटवर येणार होती. मात्र, भारत-पाकिस्तान दरम्यानच्या वाढत्या तणावाच्या पार्श्वभूमीवर, आलियाने आपल्या उपस्थितीचा कार्यक्रम रद्द केला आहे. तिच्या या निर्णयाला देशभरातून समर्थन मिळत आहे.

कान्सच्या रेड कार्पेटवर ऐश्वर्या राय बच्चनही आपली उपस्थिती राहणार आहे. ती गेल्या अनेक वर्षांपासून या फेस्टिव्हलची नियमित सहभागी आहे. तिच्या ग्लॅमरस लूकची चर्चा नेहमीच होते. यंदा तिच्यासोबत जान्हवी कपूर आणि ईशान खट्टर हे दोघेही 'होमबाउंड' या नीरज घेवन दिग्दर्शित चित्रपटाच्या जागतिक प्रीमियरसाठी उपस्थित आहेत. हा चित्रपट 'अन सर्टन रिगार्ड' विभागात प्रदर्शित होणार आहे.

नितांशी गोयल ही 'लापता लेडीज' या किरण राव दिग्दर्शित चित्रपटातील प्रमुख अभिनेत्री, कान्समध्ये पदार्पण करत आहे. ती कान्सच्या रेड कार्पेटवर झळकणारी सर्वात तरुण भारतीय अभिनेत्री ठरली आहे. या चित्रपटाला आंतरराष्ट्रीय स्तरावर स्त्री सक्षमीकरणाच्या विषयावर आधारित असल्याने विशेष गौरव मिळत आहे. तसेच, दिग्दर्शिका पायल कपाडिया या मुख्य स्पर्धेची जज म्हणून सहभागी झाली आहेत, ज्यामुळे भारतीय चित्रपटसृष्टीला आंतरराष्ट्रीय मान्यता मिळत आहे.

कान्स फेस्टिव्हलचे थेट प्रक्षेपण फेस्टिव्हल दे कान्सच्या यूट्यूब चॅनेलवर, म्युबी, फिल्मीडू आणि अधिकृत वेबसाइटवर उपलब्ध आहे. यावर्षीच्या फेस्टिव्हलमध्ये ड्रेस कोडमध्ये बदल करण्यात आले असून, फॉर्मल्स अनिवार्य करण्यात आला आहे. स्नीकर्स आणि अति मोठे अ‍ॅक्सेसरीजवर बंदी घालण्यात आली आहे. या फेस्टिव्हलमध्ये भारतीय कलाकारांची उपस्थिती आणि त्यांच्या कलाकृतींमुळे भारतीय चित्रपटसृष्टीची आंतरराष्ट्रीय स्तरावर ओळख वाढत आहे.