सातारा शहरातील राजवाडा या वर्दळीच्या ठिकाणी युवकांच्या दोन गटात राडा झाला आहे. या राड्याचा व्हिडिओ समाज माध्यमातून सध्या व्हायरल हाेऊ लागला आहे. हा व्हिडिओ पाहून शातंताप्रिय साता-यात नेमकं चाललयं काय अशा भावना नागरिक व्यक्त करु लागले आहेत.

साता-यातील राजवाडा परिसर हा शहरवासियांसह जिल्ह्यातील नागरिकांचे आवडता परिसर. या परिसरात गाेलबाग, श्रीमंत छत्रपती प्रतापसिंह उद्यान आदी विरंगुळ्याची ठिकाणे आहेत. या परिसरात खाद्य पदार्थ विक्रेत्यांचे गाडे देखील असता. यामुळे या परिसरात कायम वर्दळ असते.

प्रतापसिंह उद्यान येथे दाेन गटात वाद झाला. या वादाचे रुपांतर मारामारीत झाले. यामुळे परिसरात बघ्यांची गर्दी जमली. हा घटनेचा व्हिडिओ सध्या व्हायरल होऊ लागला आहे. हा व्हिडिओ पाहून नागरिक पोलिसांकडून कारवाईची अपेक्षा करु लागले आहेत.

Edited By : Siddharth Latkar