- संजय सूर्यवंशी / दिलीप कांबळे

Crime News : नांदेड शहरात पैशाच्या देवाण - घेवणीवरून एका युवकाचा तलवारीने घाव घालून खून करण्यात आला आहे. नांदेड शहरातील सराफा भागात रात्री ही घटना घडली. हा सर्व प्रकार सीसीटिव्ही कॅमेरात कैद झाला आहे. (Maharashtra News)

केशव पवार आणि सागर यादव या दोघांमध्ये अनेक दिवसापासून जुना वाद सुरू होता. त्यातच पैशाच्या वादावरून सोमवारी रात्री या दोघांमध्ये पुन्हा वाद झाला. वादाचे रूपांतर हाणामारी पर्यंत गेले.

सीसीटिव्ही कॅमेरात काही युवक हातात तलवारी घेऊन मारहाण करताना दिसत आहेत. या हाणामारीत सागर यादव याच्या डोक्यात तलवारीचे घाव मारल्याने त्याचा मृत्यू झाला आहे. या घटनेत मयत सागर यादव याचा भाऊ जखमी झाला आहे. या घटनेने मात्र नांदेड शहरतील सराफा भागात मोठी दहशत निर्माण झाली आहे. नागरिक भयभीत झाले आहेत.

खूनाच्या घटनेने मावळ पुन्हा हादरले

पुणे मुंबई जुन्या महामार्गालगत अंधारात थांबलेल्या तरुणाला तू इथे का थांबलास असं म्हणत चार जणांच्या टोळक्याने बेदम मारहाण करत तरुणाच्या छातीत चाकू भोकसून हत्या केल्याची घटना उजेडात आली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कृष्णा शेळके असं हत्या झालेल्या तरुणाचे नाव आहे. याप्रकरणी चार जणांविरोधात तळेगाव पोलीस ठाण्यात गुन्हा दाखल करण्यात आला आहे. तळेगाव पोलिस अधिक तपास करीत आहे.

Edited By : Siddharth Latkar