Maratha Andolan : मराठा आरक्षणासाठी लिंबगावात रास्ता राेकाे, सर्वच जाती धर्मातील नागरिक उतरले रस्त्यावर

- संजय सूर्यवंशी

Nanded News : मराठा आरक्षणाच्या मागणीसाठी नांदेड जिल्ह्यात ठिकठिकाणी आंदाेलन सुरु आहे. आज (मंगळवार) लिंबगाव येथे सरकारच्या प्रतीकात्मक पुतळ्याचे दहन करण्यात आले. यावेळी आंदाेलकांनी रास्ता रोको आंदोलन केले. (Maharashtra News)

मराठा आरक्षणाच्या मागणीसाठी मराठा समाज आक्रमक झाला आहे. बीड, जालना, सोलापूर नंतर आता नांदेड मध्ये देखील मराठा समाज रस्त्यावर उतरला आहे. आक्रमक आंदोलन करून सरकार विरोधात यावेळी घोषणाबाजी करण्यात आलीय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यावेळी लिंबगाव येथील सर्वच जाती धर्मातील नागरिकांनी देखील या आंदोलनाला पाठिंबा दिलाय. मनोज जरांगे पाटील यांच्या समर्थनार्थ हे आंदोलन करण्यात आले आहे. मनोज जरांगे यांची तब्बेत खालावली असून त्यांच्या केसालाही धक्का लागला तर संपूर्ण महाराष्ट्र पेटवू असा इशारा मराठा समाजाने दिलाय.

Edited By : Siddharth Latkar