Uttrakhand Haridwar Rape News उत्तराखंडच्या हरिद्वारमधून धक्कादायक बातमी समोर आली आहे. एका प्रशिक्षकाने १४ वर्षांच्या मुलीवर तिला धमकावून तिच्यावर बलात्कार केल्याचा उघडकीस आला आहे. इतक्यावरच न थांबता या नराधमाने सलग तीन महिने मुलीवर अत्याचार केले. या प्रकारामुळे आता पालकवर्गातून संताप व्यक्त केला जात आहे. याप्रकरणी संबंधित शिक्षकाला पोलिसांनी बेड्या ठोकल्या आहेत.

मिळलेल्या माहितीनुसार, उत्तराखंडमधील कंखल भागातील एका नामांकित शाळेत पीडित मुलगी शिकत होती. याच शाळेत ती तिरंदाजीचे प्रशिक्षण घेत होती. २०२५ साली ऑक्टोबर महिन्यात पीडित मुलीला तिरंदाजी शिकवणाऱ्या प्रशिक्षकाने एकटीला बोलावून धमकावले. तसेच तिच्यावर बलात्कार केला. शिक्षकाच्या घाणेरड्या कृत्याने पीडित मुलगी बिथरली होती.

नराधम आरोपीने पीडित मुलीवर सलग तीन महिने अत्याचार केला. मुलीच्या वागण्या बोलण्यातील फरक जाणवल्यामुळे तिच्या कुटुंबीयांनी तिची विचारपूस केली. यावेळेस मुलीने तिच्यावर ओढवलेल्या प्रसंगाबद्दल सांगितले. पीडित मुलीच्या वडिलांनी क्षणाचाही विलंब न करता पोलीस ठाण्यात धाव घेत आरोपी शिक्षकाविरोधात गुन्हा दाखल केला.

पोलिसांनी सांगितले की, पीडितेचा जबाब नोंदवण्यात आला असून तिची वैद्यकीय तपासणीही करण्यात आली आहे. प्रकरणाचे गांभीर्य लक्षात घेता, पोलीस सर्व बाबींचा कसून तपास करत आहेत. पोलीस आरोपी प्रशिक्षकाच्या ठिकाणाचा शोध घेत आहेत. त्याला लवकरच अटक होईल असे पोलिसांनी सांगितले आहे.