Shruti Vilas Kadam
रात्री पुरेशी झोप घेऊनही सकाळी थकवा जाणवत असेल तर त्याकडे दुर्लक्ष करू नका. फॅटी लिव्हरचा त्रास असलेल्या काही लोकांनाही सतत थकवा जाणवतो.
सकाळी उठल्यावर किंवा जेवणानंतर पोट फुगल्यासारखे वाटते का? पोटात गॅस होणे आणि जडपणा जाणवणे असा त्रास होत असेल, तर त्यामागे अनेक कारणे असू शकतात.
थोडेसं काम केलं तरी लवकर थकवा येत असेल, दिवसभर सुस्ती वाटत असेल आणि शरीरात ताकद नसल्यासारखे वाटत असेल, तर हे फॅटी लिव्हरचे लक्षण असू शकते.
पोटाच्या उजव्या बाजूला बरगड्यांच्या खाली दुखत असेल किंवा जडपणा जाणवत असेल, तर त्याकडे दुर्लक्ष करू नका. लिव्हरच्या समस्येमुळेही असा त्रास होऊ शकतो.
डोळ्यांचा पांढरा भाग किंवा त्वचा पिवळी दिसत असेल, तर हे कावीळचे लक्षण असू शकते. लिव्हरला गंभीर त्रास झाल्यास असे होऊ शकते. असे दिसल्यास लगेच डॉक्टरांकडे जा.
पोट फुगण्यासोबतच पायांनाही सूज येत असेल, तर हे लिव्हरच्या गंभीर समस्येचे लक्षण असू शकते. अशा वेळी शरीरात पाणी साचू शकते. त्यामुळे तातडीने डॉक्टरांचा सल्ला घ्या.
फॅटी लिव्हरचा धोका कमी करण्यासाठी रोजच्या खाण्यापिण्याकडे लक्ष द्या. रोज ३० ते ४५ मिनिटे चालण्याची सवय लावा. आहारात हिरव्या भाज्या आणि ताजी फळे खा. बदाम, अक्रोड, जवस आणि चिया सीड्स खाण्याचा आहारात समावेश करा. जंक फूड, मैदा आणि जास्त साखर असलेले पदार्थ कमी खा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.