सागर आव्हाड, पुणे

पुण्यात दोन अल्पवयीन मुलांवर लैंगिक अत्याचार करण्यात आल्याची धक्कादायक घटना घडली आहे. पुण्यातल्या वाघालोमधील बालकाश्रमामध्ये ही घटना घडली. बालकाश्रमामाध्ये काम करणाऱ्या शिपायाने दोन मुलांसोबत हे भयंकर कृत्य केले. या घटनेमुळे पुण्यात खळबळ उडाली आहे. या प्रकरणी शिपायाविरोधात पोक्सो कायद्यांतर्गत गुन्हा दाखल करण्यात आला. पोलिसांनी आरोपीला अटक केली आहे.

मिळालेल्या माहितीनुसार, पुण्यातील एका बालकाश्रममधील दोन अल्पवयीन मुलांवर शिपायाने लैगिंक अत्याचार केले. वाघोली जवळील वाडेबोल्हाई येथील बालकाश्रमामध्ये ही घटना घडली. दोन अल्पवयीन मुलांवर शिपाई गेल्या काही महिन्यांपासून लैंगिक अत्याचार करत होता. कुणाला काही सांगितले तर त्यांना आरोपी जीवे मारण्याची धमकी देत होता. या शिपायावर पोक्सो अंतर्गत घोडेगाव पोलिस ठाण्यात गुन्हा दाखल करण्यात आला होता. पण हा गुन्हा आता लोणीकंद पोलिस ठाण्यात वर्ग करण्यात आला आहे.

रमेश दगडू साठे (वय ५५ वर्षे राहणार- दत्तवाडी, पुणे) असे या आरोपी शिपायाचे नाव आहे. पोलिसांनी आरोपीविरोधात गुन्हा दाखल करत त्याला अटक केली. या प्रकरणी सहयाद्री आदिवासी ग्रामीण विकास प्रतिष्ठानचे संचित व्यवस्थापक यांनी फिर्याद दिली होती. ही बाब व्यवस्थापक यांना कळताच त्यांनी तात्काळ पोलिस ठाण्यात धाव घेत आरोपीविरोधात तक्रार दाखल केली. या गंभीर घटनेची दखल घेत पोलीसांनी घटनास्थळी धाव घेतली. मुलांकडे याबाबत विचारपूस केल्यानंतर त्यांनी संपूर्ण घटना सांगितली.

ही घटना वाघोलीमध्ये घडली असलू तरी या प्रकरणाचा पुढील तपास लोणीकंद पोलिस करीत आहेत. पोलिसांनी दिलेल्या माहितीनुसार, आरोपी रमेश हा बालकाश्रममधील एका १० आणि एका ११ वर्षीय मुलावर मागील काही महिन्यापासून लैंगिक अत्याचार करत होता. मुलांचे हातपाय बांधून, काही वेळा तोंडांत बोळा कोंबून त्याने लैंगिक अत्याचार केले. तसेच कोणाला काही सांगितले तर मारण्याची धमकी देत होता.