Odisha Crime Saam Tv
क्राईम

Crime: प्रोफेसरकडून शरीरसंबंधासाठी जबरदस्ती, विद्यार्थिनीने कॉलेजमध्येच पेटवून घेतलं; घटना CCTV मध्ये कैद

Odisha Crime: विद्यार्थिनीने कॉलेजमध्ये स्वत:ला पेटवून घेतल्याची धक्कादायक घटना घडली. प्रोफेसरकडून शरीरसंबंधासाठी जबरदस्ती होत होती. या त्रासाला कंटाळून या विद्यार्थिनीने हे टोकाचे पाऊल उचलले.

Priya More

ओडिशाच्या बालासोरमध्ये मन हेलावून टाकणारी घटना घडली. कॉलेजमध्ये शिकणाऱ्या एका विद्यार्थिनीने आत्महत्येचा प्रयत्न केला. या विद्यार्थिनीने कॉलेजमध्येच स्वत:ला पेटवून घेतलं. प्रोफेसरकडून शरीरसंबंधासाठी वारंवार होत असलेल्या जबरदस्तीला कंटाळून या विद्यार्थिनीने हे टोकाचे पाऊल उचलले. ही संपूर्ण घटना कॉलेजच्या सीसीटीव्हीत कैद झाली. ही विद्यार्थिनी जळालेल्या अवस्थेत इतडे तिकडे पळत होती.

कॉलेजचे विभागप्रमुख या विद्यार्थिनीला सतत शरीरसंबंध ठेवण्याची मागणी करत होते आणि भविष्य खराब करण्याची धमकी देत होते. त्यांच्या या सततच्या मानसिक आणि शारीरिक छळाला कंटाळून या विद्यार्थिनीने कॉलेजच्या कॅम्पसमध्ये स्वत:ला पेटवून घेतलं. पीडित विद्यार्थिनी ९४ टक्के भाजली असून तिची प्रकृती चिंताजनक आहे. सध्या रुग्णालयात तिच्यावर उपचार सुरू आहेत.

या प्रकरणी पोलिसांनी कॉलेजचे विभागप्रमुख समीर कुमार साहू यांना अटक केली. तर उच्च शिक्षण विभागाने आरोपी हेड ऑफ द डिपार्टमेंट आणि कॉलेजमधील प्रोफेसरला निलंबित केले. राज्य उच्च शिक्षण मंत्री सूर्यवंशी सूरज यांनी या प्रकरणातील आरोपीविरोधात कठोर कारवाई केली जाईल असे सांगितले.

विद्यार्थिनीने तिच्या विभागाचे एचओडी समीर कुमार साहू यांच्यावर गंभीर आरोप केले आहेत. तिने सांगितले होते की, साहू बऱ्याच काळापासून तिचे मानसिक आणि शारीरिक शोषण करत होते. विद्यार्थिनीने अनेक वेळा महाविद्यालय प्रशासनाकडे याबाबत तक्रार केली होती. परंतू कोणतीही ठोस कारवाई करण्यात आली नाही. त्यामुळे या विद्यार्थिनीने स्वत:ला पेटवून घेतलं.

या घटनेनंतर विद्यार्थिनी गंभीर भाजली. तिला वाचवण्यासाठी धावणारा दुसरा विद्यार्थीही गंभीररित्या भाजला. दोघांनाही प्रथम बालेश्वर जिल्हा रुग्णालयात नेण्यात आले. प्रकृती गंभीर असल्याने त्यांना भूवनेश्वर येथील एम्स रुग्णालयात हलवण्यात आले. घटनेची माहिती मिळताच पोलिसांनी कॉलेजमध्ये धाव घेत समीर कुमार साहूला अटक केली. सध्या आरोपीची चौकशी सुरू आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Heavy Rain Hingoli: पावसाचा हाहाकार! पुरात अडकलेल्या शिंदे गावातील नागरिकांचे धोकादायक स्थितीत रेस्क्यू ,थरारक Video Viral

Laxman Hake News : 'धोबी, नाभिक समाजाला SC आरक्षण द्या'; हाकेंची मागणी, कोणत्या राज्यात धोबी समाज कोणत्या यादीत?

Shani Shingnapur: राज्य सरकारचा शनैश्वर देवस्थानबाबत सर्वात मोठा निर्णय , देवस्थान ट्रस्ट बरखास्त

Fact Check : पोस्टाकडून पती-पत्नीला दरमहा 36 हजार? काय आहे व्हायरल मेसेजमागचं सत्य? वाचा स्पेशल रिपोर्ट

Pune Shocking : सासूपासून वेगळं राहुयात, बायकोचा लग्नानंतर हट्ट; नवऱ्याने कंटाळून आयुष्य संपवलं, पुण्यातील घटना

SCROLL FOR NEXT