Summary:

• नाशिकमध्ये ३ वर्षांच्या मुलीवर बलात्कार करून हत्या

• गावात राहणाऱ्या २६ वर्षीय तरुणाचं भयंकर कृत्य

• नाशिकच्या मालेगावमधील एका गावात घडली घटना

• आरोपी तरुणाला पोलिसांनी ठोकल्या बेड्या

नाशिकमध्ये ३ वर्षांच्या मुलीवर बलात्कार करून तिची हत्या करण्यात आल्याची धक्कादायक घटना समोर आली आहे. नाशिकच्या डोंगराळे येथे ही घटना घडली. या घटनेमुळे नाशिक हादरले. या प्रकरणी २४ वर्षीय तरुणाविरोधात गुन्हा दाखल करण्यात आला आहे. आरोपीला पोलिसांनी अटक केली. पोलिस या प्रकरणाचा तपास करत आहेत.

मिळालेल्या माहितीनुसार, नाशिकच्या मालेगाव तालूक्यातील डोंगराळे गावात ही मन सुन्न करणारी घटना घडली. डोंगराळे येथे ३ वर्षांच्या मुलगी आपल्या कुटुंबीयांसोबत राहत होती. या गावामध्ये राहणाऱ्या २६ वर्षीय तरुणाने चिमुकलीसोबत भयंकर कृत्य केले. या तरुणाने या मुलीवर बलात्कार केला. त्यानंतर ही गोष्ट कुणाला सांगू नये यासाठी त्याने तिची हत्या केली.

विजय संजय खेरनार (२४ वर्षे) असं आरोपी तरुणाचे नाव आहे. विजयने मुलीची हत्या केल्यानंतर तो फरार झाला होता. या घटनेची माहिती मिळताच मालेगाव तालुका पोलिसांनी घटनास्थळी धाव घेतली. त्यांनी आरोपीचा शोध घेत त्याला ताब्यात घेतले. त्याची चौकशी केली असता त्याने गुन्ह्याची कबुली दिली. पोलिसांनी मुलीचा मृतदेह ताब्यात घेत शवविच्छेदनासाठी मालेगाव मेडिकल कॉलेजमध्ये पाठवला. पोलिसांनी आरोपीविरोधात गुन्हा दाखल करत त्याला अटक केली. या घटनेमुळे नाशिकमध्ये संतापाचे वातावरण आहे.