संजय गडदे, प्रतिनिधी
डोक्यात टपली मारल्याच्या रागातून बियरच्या बाटलीने तरुणावर वार करण्यात आल्याची धक्कादायक घटना मुंबईच्या विलेपार्ले पश्चिमेकडील जुहू परिसरातून समोर आली आहे. या हल्ल्यामध्ये जखमी झालेल्या तरुणाचा उपचारादरम्यान मृत्यू झाला. या घटनेने परिसरात एकच खळबळ उडाली आहे. (Crime News In Marathi)
याबाबत अधिक माहिती अशी की, मुंबईच्या विलेपार्ले पश्चिमेकडील जुहू परिसरात क्षुल्लक कारणावरुन तरुणाची हत्या केल्याचा खळबळजनक प्रकार समोर आला आहे. डोक्यात टपली मारल्याच्या रागातून तरुणाने बियरच्या धारदार बाटलीने आपल्याच मित्राच्या डोक्यावर, गळ्यावर आणि तोंडावर मारहाण करून गंभीर जखमा केल्या.
नागेश बाबा दुधकवरे (35 वर्षे) असे हल्ला झालेल्या तरुणाचे नाव असून त्याला महापालिकेच्या कूपर रुग्णालयात (Koopar Hospital) उपचारासाठी दाखल करण्यात आले होते. मात्र उपचारादरम्यान त्याचा दुर्दैवी मृत्यू झाला.
याप्रकरणी जुहू पोलिसांनी हल्लेखोर तरुणास अटक केली आहे. प्रजापती उर्फ टर्की असे या अटक करण्यात आलेल्या आरोपीचे नाव असून तो सध्या जुहू पोलिसांच्या ताब्यात आहे. पोलीस अधिकचा तपास करत आहेत. (Latest Marathi News)
. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.